00:26 19 İyun 2021
Canlı yayım
  • USD1.7000
  • EUR2.0259
  • RUB0.0235
CƏMİYYƏT
Qısa URL
18

Hazırki qanunvericiliklə əlillik müddəti bitəndən sonra 6 aya qədər dövr nəzərə alınmır. Bu isə əlilliyi dayandırılmış şəxslərin yenidən əlillik təyin edilən müddətə qədər müavinət ala bilməməsinə səbəb olur.

BAKI, 1 iyun — Sputnik. Əmək və Əhalinin Sosial Müdafiəsi Nazirliyi əlilliyi olan şəxslərin hüquqlarının daha dolğun təminatı məqsədilə "Əlilliyi olan şəxslərin hüquqları haqqında" Qanunda dəyişiklik edilməsi barədə yeni qanun layihəsi hazırlayıb. Layihə artıq Milli Məclisə təqdim edilib. Nazirlikdən Sputnik Azərbaycan-a verilən məlumata görə, layihədə əlillik müddəti bitdikdən sonra 6 ay ərzində şəxsin əlilliyi yenidən müəyyən edildikdə, ötürülmüş müddətin nəzərə alınması təklifi yer alıb.

Bu o deməkdir ki, əgər şəxsə əlillik müddəti bitəndən sonra 6 aya qədər dövr ərzində yenidən əlillik təyin edilibsə, bu yeni əlillik təyinatı onun əvvəlki əlillik müddətinin bitdiyi tarixdən rəsmiləşəcək. Həmin müddət üçün də vətəndaşın sosial ödənişləri aparılacaq.

Qeyd edək ki, hazırki qanunvericiliklə əlillik müddəti bitəndən sonra 6 aya qədər dövr nəzərə alınmır. Bu isə əlilliyi dayandırılmış şəxslərin yenidən əlillik təyin edilən müddətə qədər müavinət ala bilməməsinə səbəb olur.

Əsas mövzular