03:26 16 Yanvar 2021
Canlı yayım
  • USD1.7000
  • RUB0.0232
  • EUR2.0652
CƏMİYYƏT
Qısa URL
14210

Komissiyaya müraciət edən şəxslərin hərbi hissənin ərazisinə məlumat daşıyıcıları və digər cihazlar ilə daxil olması qadağandır.

BAKI, 10 yanvar - Sputnik. Səfərbərlikdən tərxis edilmiş şəxslərin qəbulunun keçirilməsi, onların müraciətlərinə vaxtında və obyektiv baxılmasının təmin edilməsi məqsədilə Müdafiə nazirinin müvafiq əmrinə əsasən, komissiya yaradılıb.

Sputnik Azərbaycan Müdafiə Nazirliyinə istinadən bildirir ki, bu kateqoriyadan olan şəxslərin qəbulu və müraciətlərinə baxılması yanvarın 11-dən başlayaraq (bazar günü istisna olmaqla) saat 09:00-dan 18:00-dək Silahlı Qüvvələrin Təlim və Tədris Mərkəzində (Ünvan: Bakı şəhəri, Yasamal rayonu, Şəfayət Mehdiyev küçəsi 76) həyata keçiriləcək.
Komissiyaya müraciət edən şəxslərin hərbi hissənin ərazisinə məlumat daşıyıcıları və digər cihazlar ilə daxil olması qadağandır.
Nazirlikdən həmçinin bildirilib ki, koronavirus (COVID-19) pandemiyasının yayılmasının qarşısını almaq, hərbi qulluqçuların və mülki şəxslərin sağlamlıq təhlükəsizliyini təmin etmək məqsədilə Nazirlər Kabineti yanında Operativ Qərargahın müvafiq qərar və tövsiyələrinə (maskadan istifadə olunması, əllərin müvafiq məhlulla dezinfeksiya edilməsi, sosial məsafənin saxlanılması və s.) ciddi riayət olunmalıdır.

Teqlər:
səfərbərlik, komissiya, hərbçilər, tərxis, Azərbaycan Ordusu

Əsas mövzular