CƏMİYYƏT
Cəmiyyətin həyatında baş verən aktual hadisələr

Nazirlik Qarabağ qazisi üçün ev tikintisini öhdəsinə götürdü

© Photo : Facebook / Ayşə İsazadə Elçin Səmədov
 Elçin Səmədov - Sputnik Azərbaycan
Abunə olmaq
Talıblı bildirib ki, nazirliyin əməkdaşları müharibədə çoxsaylı qəlpə yarası almış Elçinlə görüşüb, ailəsinin vəziyyəti, ev şəraiti ilə yerindəcə tanış olublar.

BAKI, 25 noyabr - Sputnik. Əmək və Əhalinin Sosial Müdafiə Nazirliyi Qarabağ qazisi Elçin Səmədovun ailəsinə ev tikintisini öhdəsinə götürüb.

Məlumatı Sputnik Azərbaycan-a nazirliyin mətbuat katibi Fazil Talıblı verib.

Qurum rəsmisi bildirib ki, nazirliyin əməkdaşları müharibədə çoxsaylı qəlpə yarası almış Elçinlə görüşüb, ailəsinin vəziyyəti, ev şəraiti ilə yerindəcə tanış olublar:

“Elçin yaxın günlərdə əməliyyat olunacaq. Qəbələ şəhərində yaşayan ailə dörd nəfərdən (özü, anası, biri məktəbli olan, digər peşə təhsili alan iki qardaşı) ibarətdir.

© Photo : Facebook / Ayşə İsazadəElçin Səmədovun yaşadığı ev
Nazirlik Qarabağ qazisi üçün ev tikintisini öhdəsinə götürdü - Sputnik Azərbaycan
Elçin Səmədovun yaşadığı ev

Nazirlik ağır məişət şəraiti olan vaqon evdə yaşayan ailə üçün sosial tərəfdaşların dəstəyi ilə fərdi ev tikilməsini qərara alıb.

Əsgərin anası Şükürova Vüsalə Müzəffər qızının işsiz olduğu nəzərə alınaraq öz istəyi ilə sosial xidmət sahəsində işlə təmin olunub. Ailənin ünvanlı sosial yardım almaq hüququna da baxılacaq. Elçinin qardaşı peşə təhsilini bitirdikdən sonra onun da işlə təminatına kömək göstəriləcək”.

Xəbər lenti
0