BAKI, 3 aprel — Sputnik. "Vətəndaşlar evdən çıxmaq üçün SMS icazədə 1 koddan yalnız 1 dəfə istifadə edə bilərlər. Əks halda, vətəndaşlar bu haldan sui isitifadə edərsə karantin rejiminin pozulması ilə qiymətləndiriləcək".
Sputnik Azərbaycan-ın məlumatına görə, bunu Elektron Hökumətin İnkişafı Mərkəzinin direktoru Fariz Cəfərov deyib. O bildirib ki, vətəndaş evdən çıxmağa icazə almaq üçün SMS göndərərkən ona mesajla kod göndəriləcək. Həmin şəxs bu kodla bağlı ikinci müraciət edərsə, onda o yox cavabı alacaq.
O, həmçinin qeyd edib ki, vətəndaşlar yaşadıqları yeri onlara cavab mesajı gələndən sonra tərk edə bilərlər: "Əgər icazə gəlməyibsə, vətəndaş evi tərk edə bilməz. Təcili təxirəsalınmaz yardım, məhkəmə sisteminə çağırıldıqda mesaj göndərmədən, onlara göndərilən çağırış vərəqələri ilə evi tərk edə bilərlər".
