06:52 15 Oktyabr 2019
Canlı yayım
  • USD1.7000
  • RUB0.0265
  • EUR1.8752
Yarasa, arxiv şəkli

Bircə yarasa problemimiz qalmışdı, o da həll olunacaq

CC0 / Miriam Fischer / bat
CƏMİYYƏT
Qısa URL
699 0 0

EHA - canlı təbiətin və ictimai sağlamlığın mühafizəsini həyata keçirən qlobal qeyri-kommersiya təşkilatıdır

BAKI, 4 sentyabr — Sputnik. Azərbaycanda yayılmış yarasalarda zoonoz xəstəliklərinin tədqiqi ilə bağlı araşdırmalara başlanılıb. Sputnik Azərbaycan xəbər verir ki, 2019-cu ilin iyun ayında AMEA-nın Zoologiya İnstitutu və ABŞ-ın "EcoHealth Alliance" (EHA) təşkilatı arasında əməkdaşlıq haqqında müqavilə imzalanıb.

Sənədə əsasən, bu ilin sentyabr ayında Azərbaycanda yayılmış yarasalarda zoonoz xəstəliklərin tədqiqi ilə bağlı çöl işlərinə başlanılıb. Layihə biologiya üzrə fəlsəfə doktoru, yarasalar üzrə ekspert Nicat Həsənovun koordinatorluğu və Zoologiya İnstitutunun Quru onurğalıları laboratoriyasının əməkdaşlarının bilavasitə iştirakı ilə həyata keçirilir.

Azərbaycanda çöl işləri 2019-2021-ci illəri əhatə edəcək. Tədqiqatlar zamanı yarasalar ilə əlaqədar virusları müəyyənləşdirmək məqsədilə fərdlərin canlı olaraq tutulması, onlardan oral və rektal yaxmaların, həmçinin qanad biopsiyası (DNT nümunəsi) və qan nümunələrinin götürülməsi nəzərdə tutulur.

Qeyd edək ki, EHA - canlı təbiətin və ictimai sağlamlığın mühafizəsini həyata keçirən qlobal qeyri-kommersiya təşkilatıdır. Qurum 2017-ci ildə Qərbi Asiya Yarasalar üzrə Elmi-Tədqiqat Şəbəkəsi tərəfindən təsis edilib. EHA 40 ildən artıqdır ki, yaranan zoonoz xəstəliklər və qlobal sağlamlıq imkanlarının artırılması üzrə 30-dan artıq ölkədə yerli partnyorlarla elmi-tədqiqat işləri həyata keçirir.

Əsas mövzular