17:32 15 Noyabr 2019
Canlı yayım
  • USD1.7000
  • RUB0.0266
  • EUR1.8744
Tənha qadın, arxiv şəkli

Bakıda zəncirlənən uşaq anasına qaytarılacaqmı?

CC0 / Free-Photos / Woman
CƏMİYYƏT
Qısa URL
21 0 0

Ana və digər iki övladı da psixoloji müalicə üçün digər sığınacağa yerləşdiriliblər

Zülfiyyə Quluyeva, Sputnik Azərbaycan

BAKI, 26 avqust — Sputnik. Bakıda anası tərəfindən zəncirlənən uşaq dövlət sığınacağında psixoloji müalicə alır.

Bu barədə Sputnik Azərbaycan-a Ailə, Qadın və Uşaq Problemləri üzrə Dövlət Komitəsinin Hüquqi təminat şöbəsinin baş məsləhətçisi Rahil Süleymanzadə məlumat verib. O bildirib ki, bununla yanaşı, ana və digər iki övladı da psixoloji müalicə üçün digər sığınacağa yerləşdiriliblər.

R.Süleymanzadə anası tərəfindən zəncirlənən uşağın cəmiyyətə reinteqrasiyası, psixoloji müalicəsi ilə yanaşı, sığınacaqda sosial problemləri istiqamətində də tədbirlər həyata keçirildiyini, onun geyim və qida ilə təmin edildiyini söyləyib. Komitə səlahiyyətlisi uşağın anaya verilib-verilməyəcəyi barədə indidən qəti fikir söyləməyin mümkün olmadığını bildirib: "Bu faktla bağlı cinayət işi açılıb, istintaq aparılır. Hadisəyə hüquqi qiymət verildikdən sonra uşağın anaya qaytarılıb-qaytarılmayacağı məlum olacaq".

R.Süleymanzadə onu da qeyd edib ki, övladını zəncirləyən qadın üç uşaq anasıdır. Onun digər iki övladı anasının himayəsində yaşayır. Uşaqların üçü də oğlandır".

Zəncirlənən uşağın çətin tərbiyə olunan uşaq olması, onun mütəmadi olaraq anası tərəfindən döyülməsinə dair yayılan məlumatlara aydınlıq gətirən R.Süleymanzadə bunların hələ ki öz təsdiqini tapmadığını bildirib: "Biz anası tərəfindən zəncirlənən uşaqla görüşüb söhbət aparmışıq. Uşağın psixoloji travma aldığı davranışlarında hiss olunur. Odur ki, dövlət sığınacağında uşağın cəmiyyətə reinteqrasiyası, psixoloji müalicəsi istiqamətində işlər davam etdirilir".

Əlaqədar

Bakıda vəhşət: Ana uşağını eyvanda zəncirlədi - FOTO
Övladını zəncirləyən qadına qarşı cinayət işi açıldı
Ananın zəncirlədiyi uşağı dövlət himayəsinə götürdü
Bakıda övladıyla qeyri-insani davranan ana tək deyil - Komitə məktub hazırlayır
Teqlər:
psixoloji yardım, sığınacaq, ana, uşaq

Əsas mövzular