14:38 15 Dekabr 2018
Canlı yayım
  • USD1.7000
  • RUB0.0256
  • EUR1.9314
Qaxda ilk qar

Azərbaycana çox sərt qış gəlir

© Sputnik / Shahperi Abbasova
CƏMİYYƏT
Qısa URL
603 0 0

2020-ci ildə Bakıda soyuq temperatur üzrə yeni rekord qeydə alınacaq

BAKI, 14 noyabr — Sputnik. Artıq indidən müvafiq qurumlar Azərbaycanda sərt qışa hazırlaşmalıdırlar.

Sputnik Azərbaycan oxu.az-a istinadla xəbər verir ki, bunu Ekoloji Proqnozlar Mərkəzinin prezidenti, ekoloq Telman Zeynalov deyib.

Onun sözlərinə görə, bundan sonra qış gözlənildiyindən tez gəlib, gec gedəcək.

“Günəş qeyri-adi və ləng yuxu dövrünə girir. Yeni günəş minimumu yeni kiçik buz dövrünün başlanmasına səbəb ola bilər. Bəşəriyyət XVII əsrdə belə qışla üzləşib”, - deyə ekoloq qeyd edib.

Telman Zeynalov qeyd edib ki, son illər Günəş ləkələrinin sayında azalma müşahidə olunur (Günəş ləkələri maqnit enerjisi ehtiyatlarını xarakterizə edir, daha dəqiq desək, Günəş ləkələri Günəşdəki partlayışların enerjiyə çevrilməsi nəticəsində yaranmış ehtiyatlardır).

“Günəş tacının qütblərində tüğyan edən qasırğalar zəifləyir, Günəşdəki reaktiv axıntılar yoxa çıxır. Bu, onu göstərir ki, Günəşin daha az aktivlik dövrü başlayır. Bütün bunlar bu qışdan etibarən özünü göstərməyə başlayacaq”, - deyə ekspert bildirib.

Ekoloq Azərbaycan paytaxtında gözlənilən qış barəsində belə proqnoz verib:

“110 illik meteoroloji müşahidələr onu göstərir ki, Bakıda qışda ən aşağı temperatur 1969-cu ildə qeydə alınıb - 10 dərəcə şaxta. Düzdür, 2012-ci ildə Bakıda 11 dərəcə şaxta olması barədə məlumatlar var, lakin rəsmi versiyaya görə, rekord göstərci 1969-cu ilə aiddir. Bu il isə 8-9 dərəcə şaxta gözlənilir. 2020-ci ildə Bakıda soyuq temperatur üzrə yeni rekord qeydə alınacaq”, - deyə ekoloq vurğulayıb.

Qeyd edək ki, ötən qış Rusiyadan gələn Harmut Arktika siklonu Avropada yeni temperatur rekordlarının qeydə alınmasına səbəb olmuşdu.

Əlaqədar

Daşkəsənə qış qayıdıb: Bölgəyə güclü qar yağıb
Qış havası nə vaxtadək davam edəcək - RƏSMİ
Azərbaycanın bu bölgəsinə qış qayıtdı: Əhali təşvişdə
"Azərişıq" əhaliyə fərqli bir qış mövsümü vəd edir - Xidmət sektoru "döyüşə" hazırdır
Qış gəlməmiş qazdan boğulmalar başladı
Teqlər:
Telman Zeynalov, Milli Ekoloji Proqnozlar Mərkəzi, rekord, soyuq, qış

Əsas mövzular