20:36 16 Dekabr 2018
Canlı yayım
  • USD1.7000
  • RUB0.0256
  • EUR1.9314
Студенты в аудитории, фото из архива

Azərbaycanda bəzi ölkələrin vətəndaşları üçün əlverişli təhsil imkanları yaradılır

© Sputnik / Ramil Sitdikov
CƏMİYYƏT
Qısa URL
19 0 0

Dəyişiklik dövlət başçısının müvafiq Sərəncamlarının icrası məqsədi ilə təklif olunur

BAKI, 13 sentyabr — Sputnik. Sentyabrın 13-də Milli Məclisin Elm və təhsil komitəsinin 2018-ci ilin payız sessiyasında ilk iclası  keçirilib.

Sputnik Azərbaycan xəbər verir ki, iclasda “Elm haqqında” qanunda dəyişikliyə baxılıb. Dəyişiklik dövlət başçısının müvafiq Sərəncamlarının icrası məqsədi ilə təklif olunur.

Dəyişikliyə əsasən, qanunun 39.6-cı maddəsində “beynəlxalq müqavilələr,” sözlərindən sonra “müvafiq icra hakimiyyəti orqanının müəyyən etdiyi orqanın (qurumun) təsis etdiyi təhsil qrantı proqramı,” sözləri əlavə edilib.

“Elmi fəaliyyət sahəsində beynəlxalq əməkdaşlıq” adlı 39-cu maddənin 39.6-cı bəndində deyilir ki, əcnəbilərin və vətəndaşlığı olmayan şəxslərin Azərbaycan Respubilkasında doktorantura səviyyəsində təhsil alması Azərbaycan Respubilkasının tərəfdar çıxdığı beynəlxalq müqavilələr, müvafiq icra hakimiyyəti orqanının müəyyən etdiyi orqanın (qurumun) təsis etdiyi təhsil qrantı proqramı, habelə elm və təhsil müəssisələri ilə bağlanan müqavilələr əsasında həyata keçirilir. 

Dəyişiklik Azərbaycan Prezidentinin “İslam Əməkdaşlıq Təşkilatına üzv dövlətlərin vətəndaşlarına Azərbaycan Respubilkasının ali təhsil müəssisələrində təhsil üçün qrantların verilməsi haqqında” 2017-ci il 6 dekabr tarixli və “Qoşulmama Hərəkatına üzv dövlətlərin vətəndaşlarına Azərbaycan Respubilkasının ali təhsil müəssisələrində təhsil üçün qrantların verilməsi haqqında” 2018-ci il 10 yanvar tarixli Sərəncamının icrası məqsədi ilə təklif olunur.

Komitə sədri İsa Həbibbəyli deyib ki, Azərbaycan İslam Əməkdaşlıq Təşkilatının (İƏT), eyni zamanda, Qoşulmama Hərəkatının fəal üzvlərindən biridir. Bu il Qoşulmama Hərəkatının Nazirlər Şurasının iclası Azərbaycanda keçirilib. İƏT-in Azərbaycan ilə geniş əlaqələri var.

Onun sözlərinə görə, 57 ölkə İƏT-in üzvüdür və Qoşulmama Hərəkatında 120 ölkə təmsil olunur. Bu ölkələrin vətəndaşları gəlib Azərbaycanda təhsil ala bilərlər. Bu, bizim üstün mövqeyimizi göstərir və Azərbaycanın beynəlxalq imicinin yüksəkdilməsi üçün atılmış mühüm bir addımdır.

Dəyişiklik parlamentin plenar iclasına tövsiyə edilib.

Əlaqədar

Təhsil Nazirliyi direktorlara xəbərdarlıq etdi
Bakıda 10 təhsil müəssisəsinin rəhbəri işdən çıxarılıb
Xaricdə təhsil üçün müraciət edənlərə şad xəbər
Təhsil Nazirliyindən müəllimlərlə bağlı vacib elan
Təhsil Nazirliyindən müəllimlərə xəbərdarlıq

Əsas mövzular