05:10 20 Noyabr 2018
Canlı yayım
  • USD1.7000
  • RUB0.0257
  • EUR1.9377
Начальник отдела по связям с общественностью Главного управления государственной дорожной полиции города Баку Вагиф Асадов

Vaqif Əsədov: "Məlum videoda yol polisi barədə yanlış informasiya yayılıb"

© Sputnik / Murad Orujov
CƏMİYYƏT
Qısa URL
327 0 0

"Hazırda sürücünün şər və böhtan xarakterli informasiya yayması ilə əlaqədar tərəfimizdən araşdırma aparılır"

BAKI, 20 avqust — Sputnik. Sosial şəbəkələrdə sürücü tərəfindən yol polisi ilə bağlı video yayılıb. Sürücü iddia edir ki, yol polisi qayda pozur. Hətta onun çəkiliş apardığını görüb oradan uzaqlaşarkən müfəttiş qəza şəraiti yaradıb.

"Sürücüdən qaçan yol polisi" başlıqlı həmin videoya qarşı tərəf cavab verib. Bu barədə Sputnik Azərbaycan-a açıqlama verən Bakı Şəhər Dövlət Yol Polisi İdarəsinin şöbə rəisi, polkovnik Vaqif Əsədov bildirib ki, əslində hadisə heç də həmin videoda deyildiyi kimi baş verməyib.

V.Əsədov qeyd edib ki, 99 MT 608 dövlət nömrə nişanlı, "Opel Astra" markalı avtomobilin sürücüsü Kərimov Teymur Mərdan oğlu avqustun 18-də, saat 17:53 radələrində Cəfər Xəndan və Şövkət Məmmədova küçələrinin kəsişməsində yol hərəkəti qaydalarını kobud şəkildə pozduğu üçün həmin YPX əməkdaşı tərəfindən saxlanılıb və qanunvericiliklə nəzərdə tutulmuş tələblər üzrə yol ayrıcı qaydalarını pozduğu üçün İnzibati Xətalar Məcəlləsinin 327.2-ci maddəsinə uyğun olaraq İXP 1986233 saylı protokol tərtib edilib.

"Protokol tərtib edilərkən Teymur Kərimovun qəza şəraiti yaratdığı, yəni, yol vermədiyi "Mercedes" markalı avtomobilin sürücüsü də ora yaxınlaşıb və həmin avtomobili idarə edənə yol polisinin yanında iradını bildirib. Lakin bununla razılaşmayan Teymur Kərimov protokol yazılandan sonra yol polislərinin videosunu çəkərək sosial şəbəkələrdə yaymaqla özünə bəraət qazandırmaq istəyib və guya əvəz çıxıb" — Əsədov deyib.

Qurum rəsmisi qeyd edib ki, sürücü belə şər və böhtan xarakterli informasiya yaymaqla yol polisinin fəaliyyətinə kölgə salmaq istəyib: "Bununla əlaqədar bir daha bildiririk ki, sürücünün törətdiyi inzibati xəta ilə bağlı idarədə videogörüntü və səs yazısı araşdırılıb və həqiqətən də onun qayda pozuntusu aşkar edilib. Hazırda sürücünün şər və böhtan xarakterli informasiya yayması ilə əlaqədar tərəfimizdən araşdırma aparılır".

Əlaqədar

Paytaxtın yol polisində mühüm dəyişiklik baş verir - VİDEO
Diqqətli olun: Bu yol sentyabrın 1-nə kimi bağlandı
Ağır yol qəzasının videogörüntüsü yayıldı
Yol probleminin həlli üçün növbəti addım atılıb
Yol probleminin həlli üçün daha bir addım atıldı

Əsas mövzular