11:50 20 Yanvar 2021
Canlı yayım
  • USD1.7000
  • RUB0.0230
  • EUR2.0562
CƏMİYYƏT
Qısa URL
47 0 0

Qeydiyyat zamanı tələbənin iş nömrəsi və şəxsi kabinetin istifadəçi adı (FİN) özündə olmalıdır

BAKI, 14 avqust — Sputnik. Azərbaycan İlahiyyat İnstitutuna 2018-2019 tədris ilində qəbul olunmuş abituriyentlər qeydiyyatdan keçmək üçün müəyyən sənədlər təqdim edilməlidir. Bu barədə Sputnik Azərbaycan-a İlahiyyat İnstitutunun mətbuat xidmətindən məlumat verilib. Bildirilib ki, abituriyentlər qeydiyyatdan keçmək üçün aşağıdakı sənədləri təqdim etməlidir:

Tam orta təhsil haqqında sənədin (Attestat) əsli və ya təhsilin əvvəlki mərhələsini bitirdiyi barədə sənədin əsli və notarial qaydada təsdiq edilmiş surəti (Kollec və ya ali təhsil müəssisəsinin 2017-2018 –ci tədris ili məzunları üçün həmin təhsil müəssisəsini bitirmələri haqqında arayış və ya diplom);

Abituriyentin Azərbaycan İlahiyyat İnstitutuna qəbul olunması haqqında DİM-in müsabiqə nəticələri haqqında çap edilmiş vərəqi (DİM–in saytından çap edilir) (3 nüsxə);

Şəxsiyyət vəsiqəsinin əsli və surəti (3 nüsxə);

İlkin hərbi qeydiyyata alınma haqqında vəsiqənin əsli və surəti (oğlanlar üçün) – 3 nüsxə;

Tibbi (sağlamlıq haqqında) arayış (Forma 086);

Fotoşəkil (ağ fonda) 3×4 ölçüdə – 6 ədəd;

Həmçinin qeydiyyat zamanı tələbənin iş nömrəsi və şəxsi kabinetin istifadəçi adı (FİN) özündə olmalıdır.

Sənəd qəbulu zamanı abituriyent öz ərizəsini təsdiq etmək üçün iş nömrəsini və şifrəsini təqdim etməklə mütləq elektron qeydiyyatdan keçməlidir.

Sənədlərin qəbulu 2018-ci ilin avqust ayının 16-dan 28-dək hər gün (şənbə, bazar və bayram günləri istisna olmaqla) saat 10:00-17:00–dək Yasamal rayonu Əhməd Cəmil küç. 41A – da (Bakı Dövlət Universitetinin keçmiş İlahiyyat fakültəsinin inzibati binasında) aparılacaq.

Əsas mövzular