10:10 05 Dekabr 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
1606 0 0

Azərbaycanlı "qanuni oğru", 36 yaşlı Hacıbaba Talıbxanlı saxlanılıb və onun bu ölkəyə niyə gəldiyi müəyyənləşdirilir

BAKI, 1 iyun — Sputnik. Rusiyanın paytaxtında azərbaycanlı "qanuni oğru", 36 yaşlı Hacıbaba Talıbxanlı saxlanılıb. O, kriminal aləmdə Hacı Beyləqanski ləqəbi ilə məşhurdur. Bu barədə Sputnik Azərbaycan-a Rusiyanın Daxili İşlər Nazirliyindən məlumat verilib.

"Ağ Ev" restoranında saxlanılan kriminal avtoritet ağır cinayət törətməkdə şübhəli bilinir. Məlumdur ki, Hacı Beyləqanski Türkiyədə yaşayır. Sadəcə, bir aya yaxındır Moskvadadır. Hazırda onun Rusiyaya getməkdə məqsədinin nə olduğu ayırd edilir.

Məlum olduğu kimi, Hacı Beyləqanski 2016-cı ilin 18 avqustunda İstanbulda qətlə yetirilən azərbaycanlı kriminal avtoritet Rövşən Canıyevin (Lənkəranski) yaxın tərəfdarı sayılır. Lənkəranskinin qətlindən sonra Beyləqanski onun klanına sadiq qalıb. Onu dəfələrlə Lənkəranskinin qardaşı Namiq Canıyevlə bir yerdə görüblər. Namiq Canıyev Beyləqanskiyə zirehli “Mercedes” bağışlayıb. Həmin maşın Rövşən Lənkəranskiyə məxsus olub.

Teqlər:
Hacı Beyləqanski, "Rövşən Lənkəranski", "qanuni oğru", cinayət, Rusiya

Əsas mövzular