07:04 28 Yanvar 2021
Canlı yayım
  • USD1.7000
  • RUB0.0227
  • EUR2.0665
CƏMİYYƏT
Qısa URL
10510

Vaqif Əsədov: "Mövsümə uyğun şinlərlə təchiz edilməmiş və ilin soyuq vaxtlarına hazır olmayan avtomobillərlə yola çıxmayın"

BAKI, 8 dek — Sputnik. Bakı şəhər Dövlət Yol Polisi İdarəsinin İctimaiyyətlə əlaqələr şöbəsinin rəisi Vaqif Əsədov sürücülərə, paytaxtda qeyri-sabit qarlı hava şəraiti davam etdiyi müddətdə şəxsi avtomobillərindən istifadə etməməyi tövsiyə edib. O, Sputnik-ə açıqlamasında bildirib ki, mövsümə uyğun şinlərlə təchiz edilməmiş və ilin soyuq vaxtlarına hazır olmayan avtomobillər bu havada yola çıxmamalıdır. "Hər bir sürücü sürət rejiminə diqqət etməlidir və havadan asılı olmayaraq, avtomobillərin qeydiyyatdan keçmiş nömrələri təmiz olmalıdır", — Əsədov bildirib.

DYP rəsmisi piyadalara da müraciət edib: "Qarlı havada yollar buz bağlayır və yol-nəqliyyat hadisələri baş verir. Piyadalar yolun hərəkət hissəsinə çıxmamalı, bunun üçün ayrılmış xüsusi yerlərdən, yeraltı və yerüstü keçidlərdən istifadə etməlidirlər".

"Havanın necə olmasından asılı olmayaraq, sürücülər və piyadalar yol-hərəkəti qaydalarına ciddi əməl etməlidirlər", — deyə Vaqif Əsədov bildirib.

Əlaqədar

Bakıda yollara duz səpiləcək
Yollar buz bağlayacaq
Aeroport yolu bağlanır
Yol polisi sərnişinlərə qarşı da reydlərə başlayıb
Əhaliyə xəbərdarlıq edildi: yollar buz bağlayacaq
Teqlər:
piyada, Vaqif Əsədov, DYP, xəbərdarlıq, yol polisi, yol, sürücü, hava

Əsas mövzular