00:52 19 Sentyabr 2021
Canlı yayım
  • USD1.7000
  • EUR2.0014
  • RUB0.0234
QARABAĞ
Qısa URL
4370 0 0

Müdafiə Nazirliyinin rəhbərliyi Kəlbəcər və Laçın rayonları ərazisində yeni inşa edilmiş və əsaslı təmirdən çıxmış anbarlara baxış keçirib.

BAKI, 7 avqust — Sputnik. Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin göstərişinə əsasən işğaldan azad edilmiş ərazilərimizdə dislokasiya olunan hərbi hissələrin şəxsi heyətinin təchizat, təminat və sosial-məişət şəraitinin yaxşılaşdırılması məqsədilə müvafiq obyektlərin tikintisi davam etdirilir.

Bu barədə Sputnik Azərbaycan-a Müdafiə Nazirliyindən məlumat verilib.

Müdafiə Nazirliyinin rəhbərliyi Kəlbəcər və Laçın rayonları ərazisində yeni inşa edilmiş və əsaslı təmirdən çıxmış anbarlara baxış keçirib.

Əvvəlcə müdafiə naziri general-plokovnik Zakir Həsənova buradakı inzibati və texniki ərazilərdə mövcud tikililər və inkişaf planı haqqında məlumat verilib. Bildirilib ki, quru ərzaq məhsullarının və əşya əmlakının saxlanılması üçün tələb olunan qurğu və sistemlərlə təchiz edilmiş bir neçə anbar istifadəyə verilib.

Bundan başqa müdafiə nazirinə işğaldan azad edilmiş ərazilərimizdə ərzaq və əşya əmlakı anbarlarının tikintisinin davam etdirilməsi barədə məruzə edilib.

Müdafiə naziri Azərbaycan Ordusunun şəxsi heyətinin ilboyu təzə və yüksək kalorili qida ilə təmin olunması, hərbi hissələrin ərzaq təminatına nəzarətin gücləndirilməsi, ərzaq məhsullarının daha keyfiyyətli saxlanılması və hərbi qulluqçuların sosial-məişət şəraitinin daima yaxşılaşdırılması, eləcə də qışa hazırlıq işinin vaxtında yekunlaşdırılması ilə bağlı müvafiq tapşırıqlar verib.

06.08.2021

Zakir Həsənov Kəlbəcər rayonunda tikilməkdə olan təlim poliqonuna baxış keçirib

Müdafiə naziri general-polkovnik Zakir Həsənov Kəlbəcər rayonu ərazisində inşası davam etdirilən təlim poliqonuna baxış keçirib. Nazirlikdən Sputnik Azərbaycan-a verilən məlumata görə, təlim poliqonu çətin və yüksək dağlıq şəraitində yerləşən hərbi hissələrin şəxsi heyətinin peşəkar hazırlığının yüksəldilməsi məqsədilə hazırlanır.

"Qoşunların hazırlıq planına əsasən poliqonda ixtisaslı təlimatçılar tərəfindən döyüş şəraitinə tam uyğunlaşdırılmış, relyefin tələblərinə cavab verən təlim məşqləri həyata keçiriləcək", - deyə məlumatda bildirilir.
  • Müdafiə naziri Kəlbəcərdə tikilməkdə olan təlim poliqonuna baxış keçirib
    © AR Ministry of Defence
  • Müdafiə naziri Kəlbəcərdə tikilməkdə olan təlim poliqonuna baxış keçirib
    © AR Ministry of Defence
  • Müdafiə naziri Kəlbəcərdə tikilməkdə olan təlim poliqonuna baxış keçirib
    © AR Ministry of Defence
1 / 3
© AR Ministry of Defence
Müdafiə naziri Kəlbəcərdə tikilməkdə olan təlim poliqonuna baxış keçirib

Daha sonra məlumatda deyilir ki, nazir müxtəlif çaplı silahlardan təlim atəş çalışmalarının yerinə yetirilməsi və zirehli texnikanın təlim-məşq tapşırıqlarının icra olunması üçün inşa edilən poliqonda görülən işlərlə maraqlanaraq müvafiq tapşırıqlar verib.

Eləcə də oxuyun:

Əlahiddə Ümumqoşun Orduda xüsusi təlimin detalları

Quru Qoşunları Komandanlığının bir neçə hərbi obyekti istifadəyə verilib

Zakir Həsənov ordunun döyüşə hazırlıq səviyyəsini yoxladı

Teqlər:
nazir, poliqon, təlim, Zakir Həsənov, Kəlbəcər, müdafiə

Əsas mövzular