06:51 19 Mart 2019
Canlı yayım
  • USD1.7000
  • RUB0.0263
  • EUR1.9271
Xocalıya həsr olunmuş tədbir

Xocalı soyqırımı Rusiya siyasi dairələrində qəzəb oyadıb: "Bəşəriyyətə qarşı cinayətdir"

© Sputnik / Murad Orujov
QARABAĞ
Qısa URL
5935 0 0

Rusiyalı rəsmilər Xocalı soyqırımı haqda: "Xocalıda baş verənləri dəstəkləyəcək bir adam tapmaq mümkün deyil"

Eldar Tanrıverdiyev, Sputnik Azərbaycan

BAKI, 26 fevral — Sputnik. "Mülki əhalinin qətlə yetirilməsi bəşəriyyətə qarşı törədilmiş cinayətdir". Bunu Sputnik Azərbaycan Multimedia Mətbuat Mərkəzində təşkil olunmuş tədbirdə Dünyada Silah Alverinin Analizi Mərkəzinin direktoru, rusiyalı hərbi ekspert İqor Korotçenko deyib.

O bildirib ki, qətlləri törədən şəxslər beynəlxalq axtarışa verilməlidir: "Dinc əhalini, yaşlıları və uşaqları öldürənlər beynəlxalq cinayətkarlardır. Qətllərin miqyası, şəhəri tərk edənlərin qətlə yetirilməsi - burada soyqırımın bütün əlamətləri var. Bu, heç kim tərəfindən şübhə altına alına bilməz və ya buna etiraz oluna bilməz. Bu, beynəlxalq hüququn əsasını təşkil edir".

Rusiya Federasiya Şurasının Sosial Siyasət Komitəsinin sədr müavini Lyudmila Kozlova isə bəyan edib ki, Azərbaycan ilə Ermənistan arasında bütün fikir ayrılıqları baş verənlərin düzgün qiymətləndirilməsi əsasında sülh yolu ilə həll olunmalıdır: "Dünyada Xocalıda baş verənləri dəstəkləyəcək bir adam tapmaq mümkün deyil. Burada azərbaycanlılarla yanaşı, digər millətlərdən də olan şəxslər həlak olub. Dünyanın heç bir yerində belə hadisələrin bir daha təkrarlanmaması üçün həqiqəti deməliyik".

İlham Əliyev “Rossiya-24” telekanalının müxbirinə müsahibə verib
© Official web-site of President of Azerbaijan Republic

Qeyd edək ki, bu gün Azərbaycanın Xocalı şəhərində törədilmiş soyqırımının 27-ci ili tamam olur. 1992-ci il fevralın 25-dən 26-na keçən gecə erməni hərbi birləşmələri keçmiş SSRİ-nin 366-cı motoatıcı alayının köməyi ilə Xocalı şəhərini işğal edərək, burada yaşayan dinc əhaliyə — azərbaycanlılara qarşı soyqırımı törədib.

Erməni silahlı birləşmələri SSRİ dövründən Xankəndi şəhərində dislokasiya olunmuş 366-cı motoatıcı alayının zirehli texnikası və hərbi heyətinin köməkliyi ilə 1992-ci il fevralın 25-dən 26-na keçən gecə Xocalı şəhərinə hücuma keçiblər. Mühasirəyə alınan şəhərin 2500 sakini xilas olmaq üçün Ağdam istiqamətində hərəkət edib. Lakin pusquda dayanan ermənilər dinc sakinləri gülləbaran ediblər.

Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Düşmən gülləsindən 76-sı uşaq olmaqla, 487 nəfər yaralanıb. 1275 nəfər əsir götürülüb. Girov götürülənlərdən 150 nəfərinin, o cümlədən 68 qadın və 26 uşağın taleyi bu günədək məlum deyil.

Xocalı soyqırımının ildönümü hər il Azərbaycan və dünyanın bir çox ölkəsində qeyd olunur. Bu tədbirlərdə ermənilərin Xocalıda törətdiklərini əks etdirən foto-stendlər, sənədli filmlər nümayiş olunur, soyqırımı həqiqətlərini əks etdirən kitablar sərgilənir.

2008-cu ilin mayından İslam Konfransı Təşkilatı Gənclər Forumunun (İKGF) Mədəniyyətlərarası Dialoq üzrə baş koordinatoru Leyla Əliyevanın təşəbbüsü ilə "Xocalıya Ədalət" kampaniyası keçirilir. Kampaniyanın məqsədi beynəlxalq ictimaiyyətin Xocalı faciəsi ilə bağlı məlumatlandırılması, faciəyə beynəlxalq aləmdə mənəvi-siyasi qiymət verilməsi və beynəlxalq səviyyədə anılmasını təmin etməkdir. Kampaniyanın beynəlxalq əlaqələndirilməsi www.justiceforkhojaly.org saytı vasitəsilə aparılır.

Əlaqədar

Prezidentin iştirakı ilə Xocalı soyqırımının ildönümü münasibətilə yürüş keçirilir
Millət vəkili Xocalı faciəsi haqqında: Faciəni tanımaq istəməyən bir dünya var
Xocalı faciəsini dünyaya necə tanıdaq – Tarixçi-ekspert danışır
Rusiyalı deputat: "Xocalı qətliamının soyqırım kimi tanınmasına çalışmalıyıq"
Rusiyalı diplomat: “Xocalıda törədilənlər dəhşətli vəhşilikdir”
Teqlər:
vəhşilik, Rusiya, Azərbaycan, Xocalı soyqırımı

Əsas mövzular