CƏMİYYƏT
Cəmiyyətin həyatında baş verən aktual hadisələr

KİV gecə klubunu "satdı"

© Sputnik / Murad OrujovКонцерт Карди Би в рамках развлекательной программы Гран-при Азербайджана "Формула-1"
Концерт Карди Би в рамках развлекательной программы Гран-при Азербайджана Формула-1 - Sputnik Azərbaycan, 1920, 03.08.2021
Abunə olmaq
Klubun icarədarı İnzibati Xətalar Məcəlləsinin müvafiq maddəsi ilə 4000, mühafizə xidmətinin əməkdaşı isə 200 manat məbləğində cərimə ediliblər.
BAKI, 3 avqust — Sputnik. Paytaxtın Nərimanov rayonunda yerləşən "İnfiniti" gecə klubunda karantin qaydalarının pozulması ilə bağlı KİV-də yayılan görüntülər Nərimanov Rayon Polis İdarəsində araşdırılıb. Daxili İşlər Nazirliyindən Sputnik Azərbaycan-a verilən məlumata görə, nazirliyin Mətbuat Xidmətinin inspektoru, polis mayoru Anar Qafarov araşdırma ilə bağlı vəziyyəti açıqlayıb.
Onun məlumatına görə, araşdırma zamanı məlum olub ki, qeyd edilən obyektdə sanitar-karantin qaydalarının bir qisminə riayət edilmir, müştərilərə klubun əməkdaşları tərəfindən qəlyandan istifadəyə şərait yaradılır və dəfələrlə edilən xəbərdarlıqlara baxmayaraq klub fəaliyyətini gecə saat 00:00-dan sonra da davam etdirir.
Qeyd edilən məsələlərlə bağlı obyektin icarədarı və klubun mühafizə xidmətinin əməkdaşı Nərimanov RPİ-yə dəvət ediliblər.
Klubun icarədarı İnzibati Xətalar Məcəlləsinin müvafiq maddəsi ilə 4000, mühafizə xidmətinin əməkdaşı isə 200 manat məbləğində cərimə ediliblər. Həmin şəxslərə xəbərdarlıq edilərək onlarla profilaktik söhbətlər aparılıb. Bildirilib ki, obyektdə belə bir hal növbəti dəfə aşkar olunduğu təqdirdə polis əməkdaşları tərəfindən daha sərt inzibati tənbeh tədbirləri görüləcək.
Qeyd edək ki, DİN tərəfindən hər gün gecə klubları, şadlıq saraylarında monitorinqlər aparılır, karantin qaydalarını pozan şəxslər cəzalandırılır.
Xəbər lenti
0