02:28 17 Sentyabr 2021
Canlı yayım
  • USD1.7000
  • EUR2.0077
  • RUB0.0235
HADİSƏ
Qısa URL
1550 0 0

Türkiyə vətəndaşı Fahri Yiğitokur və Almaniya vətəndaşı olan həyat yoldaşı Andrea Hartmann Yiğitokur yanğından uçan evin altında qalaraq həyatlarını itiriblər.

BAKI, 1 avqust - Sputnik. Türkiyənin Antalya əyalətinin Manavqat rayonunda baş verən meşə yanğını zamanı ziyan çəkən evdə iki nəfərin meyiti aşkarlanıb.

Sputnik Türkiyə xəbər verir ki, yanğın zamanı ölənlər Türkiyə vətəndaşı Fahri Yiğitokur və onun almaniyalı həyat yoldaşı Andrea Hartmann Yiğitokurdır.

Ölkənin səhiyyə naziri Fahrettin Koca öz Twitter hesabında Manavqatda həlak olanlar da daxil olmaqla, meşə yanğınlarında ölənlərin ümumi sayının 7 nəfərə çatdığını bildirib.

O, qeyd edib ki, hadisə zamanı ümumilikdə 507 nəfər zərər çəkib, onlardan 497 nəfərinin müalicəsi başa çatıb. Hazırda 10 nəfərin müalicəsi davam edir.

Qeyd edək ki, Fahri Yiğitokur və Almaniya vətəndaşı olan həyat yoldaşı Andrea Hartmann Yiğitokur yanğından uçan evin altında qalıb. Yaxınları onlardan xəbər almadıqları üçün axtarışlar başlayıb, uçqun altında qalan cütlüyün cəsədləri aşkarlanıb.

 

Əsas mövzular