05:13 18 Noyabr 2019
Canlı yayım
  • USD1.7000
  • RUB0.0266
  • EUR1.8744
Qandal, arxiv şəkli

Bakıda "Vinçester"lə xuliqanlıq edən kişi ələ keçdi

© Sputnik / Murad Orujov
HADİSƏ
Qısa URL
13 0 0

Polis Bölməsində hal şahidlərinin iştirakı ilə Azər Orucovun üzərində şəxsi axtarış aparılan zaman ondan şəxsi istehlak miqdarından artıq çəkidə psixotrop maddələr olan metamfetamin və MDMA həbləri aşkar olunaraq götürülüb

BAKI, 7 noyabr — Sputnik. Nərimanov Rayon Polis İdarəsinin 16-cı Polis Bölməsi əməkdaşları odlu silahdan istifadə edilməklə ictimai qaydanı kobud sürətdə pozaraq xuliqanlıq cinayəti törədən və bununla da qəsdən sağlamlığa ağır zərər vuran Salyan rayon sakini, əvvəllər məhkum olunmuş Azər Orucovu saxlayıblar.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqust ayının 5-də gecə saatlarında Azər Orucov tanışı Ramal Sadıqovun idarə etdiyi "Mercedes" markalı avtomobillə Atatürk prospektinə gələrək üzərində olan "Vinçester" markalı ov tüfəngindən atəş açaraq paytaxt sakini Ziyadxan Sədiyevə həyat üçün təhlükəli olan ağır bədən xəsarəti yetirərək xuliqanlıq edib. Saxlanılan zaman Azər Orucov ifadəsində etdiyi cinayəti etiraf edərək hadisə zamanı istifadə etdiyi odlu silahı Salyan rayonunda Kür çayına atdığını bildirib.

Salyan rayon sakini əvvəllər məhkum olunmuş Azər Orucov
© AR Ministry of Internal Affairs
Salyan rayon sakini əvvəllər məhkum olunmuş Azər Orucov

Polis Bölməsində hal şahidlərinin iştirakı ilə Azər Orucovun üzərində şəxsi axtarış aparılan zaman ondan şəxsi istehlak miqdarından artıq çəkidə psixotrop maddələr olan metamfetamin və MDMA həbləri aşkar olunaraq götürülüb.

Faktla bağlı Nərimanov Rayon Polis İdarəsinin İstintaq Şöbəsində cinayət işi başlanılıb, əməliyyat-istintaq tədbirləri davam etdirilir. Azər Orucovun qanunsuz əməllərindən zərərçəkən başqa vətəndaşlar varsa, onlardan aidiyyatı üzrə Nərimanov Rayon Polis İdarəsi etmələri xahiş olunur.

Əlaqədar

Polis mənzil oğrularını saxladı, əhalidən zəng vurmağı xahiş edir
Atanın məsuliyyətsizliyindən Bakıda iki yaşlı qız uşağı saatlarla yiyəsiz qalıb
Polislər məhsuldar işləyiblər: Doqquz aya 1 ton 74 kiloqram narkotik
Şirvan xəstəxanasında qalmaqal: bir qrup şəxs həkimləri döydü

Əsas mövzular