Leyla Abdullayeva, Sputnik Azərbaycan
BAKI, 3 sentyabr - Sputnik. Qubanın Nügədi Qazmalar kəndində faciəvi hadisə baş verib. Sputnik Azərbaycan-ın bölgə müxbirinin verdiyi məlumata görə, 1956-cı il təvəllüdlü Ağakərim Quliyev özünü yaşadığı evin həyətindəki yarımtikilidən asıb.
İntiharın ilkin səbəbi kimi A.Quliyevin insulit xəstəliyindən əziyyət çəkməsi və ağrılara dözməyərək intihar etməsi göstərilir.
Hüquq-mühafizə orqanlarının araşdırması nəticəsində məlum olub ki, son 34 ildə bu ailədə 4-cü dəfə intihar hadisəsi baş verib.
Belə ki, 1986-cı ilə mərhumun qardaşı özünü Samur-Abşeron çayına ataraq intihar edib, 1995-ci ildə isə A.Quliyevin anası Nurcahan Quliyeva özünü yandıraraq öldürüb. Mərhumun digər qardaşı Mirsəməd Quliyev 2017-ci ildə özünü yaşadığı evin tavanından asıb.
Faktla bağlı CM-nin 125-ci maddəsilə cinayət işi açılıb.
