BAKI, 28 may - Sputnik. Paytaxtın Nərimanov rayonunda ölümlə nəticələnən yol-nəqliyyat hadisəsi qeydə alınıb.
Sputnik Azərbaycan-ın ONA-ya istinadla xəbərinə görə, Ziya Bünyadov prospektində "Mitsubishi" və "BMW" markalı avtomobillər toqquşub.
Zərbənin gücündən "BMW" işıq dirəklərinə çırpılıb. Qəza nəticəsində "BMW"-nin sürücüsü, 1981-ci il təvəllüdlü Təvəkkül Nizami oğlu Yusifov və onun oğlu, 2008-ci il təvəllüdlü Nizami Təvəkkül oğlu Yusifov hadisə yerində ölüb.
Faktla bağlı araşdırma aparılır.
