BAKI, 28 may - Sputnik. Şamaxı rayonunda palçıq vulkanı püskürüb.
ONA-nın məlumtına görə, rayonun Göylər və Məlikçobanlı kəndlərinin arasında olan palçıq vulkanı gecə saatlarında püskürüb.
Püskürmə nəticəsində kraterin hündüryülü 10-15 metr hündürlüyə qədər qalxıb və yer qatından çıxan palçıq 2 hektar əraziyə yayılıb.
Vulkanın təsirindən əraziyə yaxın torpaqlarda qabarma və çatlar əmələ gəlib. Evlərə və təsərrüfata ziyan dəyməyib, xəsarət alan yoxdur. Hazırda vulkan sakitləşib.
Qeyd edək ki, yerli sakinlərin sözlərinə görə, həmin vulkan ilk dəfə 1975-ci ildə, ikinci dəfə 1986-cı ildə püskürüb.
