15:20 17 Dekabr 2018
Canlı yayım
  • USD1.7000
  • RUB0.0255
  • EUR1.9230
20 Yanvar körpüsü üzərində hərəkətdə olan yük maşını, arxiv şəkli

Bakıda yük maşını 14 yaşlı iki uşağı vurub öldürdü

© Sputnik / Irade CELIL
HADİSƏ
Qısa URL
361 0 0

Hazırda iş üzrə zəruri istintaq tədbirləri davam etdirilir

BAKI, 2 oktyabr — Sputnik. Bakıda yük avtomobili iki yeniyetməni vuraraq öldürüb. Sputnik Azərbaycan xəbər verir ki, bu barədə Bakı Şəhər Baş Polis İdarəsi və Şəhər Prokurorluğunun yaydığı birgə açıqlamada bildirilib.

Əli qandallı kişi
© Sputnik / Anar Mustafayev

Qeyd edilib ki, oktyabrın 2-də saat 10 radələrində Sumqayıt şəhər sakini Bəşirov Fəxrəddin Asif oğlu idarə etdiyi “İsuzu” markalı 90-XU-233 dövlət qeydiyyat nişanlı yük avtomobili ilə Binəqədi rayonu, Novxanı qəsəbəsi, Dəniz Kənarı küçəsində hərəkətdə olarkən yolu keçmək istəyən 2004-cü il təvəllüdlü Qasımov Ayxan Xəyyam oğlu və Bayramov Rasim Vüqar oğlunu vurub, nəticədə onlar aldıqları xəsarətlərdən hadisə yerində vəfat ediblər.

Fakta görə Binəqədi Rayon Polis İdarəsinin İstintaq Şöbəsində Cinayət Məcəlləsinin 263.3-cü (yol hərəkəti və nəqliyyat vasitələrinin istismarı qaydalarını pozma ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanıb.

İş üzrə hadisə yerinə baxış keçirilib, müvafiq ekspertizalar, o cümlədən məhkəmə-tibbi və məhkəmə yol-nəqliyyat hadisələri ekspertizaları təyin edilib, şahidlərin ifadəsi alınıb və digər zəruri istintaq hərəkətləri yerinə yetirilib.

F.Bəşirov şübhəli şəxs qismində tutularaq istintaqa cəlb edilib.

Hazırda iş üzrə zəruri istintaq tədbirləri davam etdirilir.

Teqlər:
İsuzu, ölüm, Bakı şəhər Prokurorluğu, yük maşını, Bakı şəhər Baş Polis İdarəsi, qəza, uşaq

Əsas mövzular