15:06 09 İyul 2020
Canlı yayım
  • USD1.7000
  • RUB0.0274
  • EUR1.9035
HADİSƏ
Qısa URL
160 0 0

Radikal dini cərəyanlara meyilli Muraz Rəhimov 2012-ci ildə Bakı şəhərində keçirilmiş “Evrovision” mahnı müsabiqəsi öncəsində paytaxtda partlayış törətmək niyyətində olub

BAKI, 13 avqust — Sputnik. Gəncə hadisələrinin iştirakçısı, 1989-cu il təvəllüdlü Rəhimov Muraz Çapay oğlunun saxlanılması ilə əlaqədar Daxili İşlər Nazirliyinin əməkdaşları tərəfindən 2018-ci il avqustun 10-da Sumqayıt şəhərində həyata keçirilən əməliyyat tədbiri zamanı o, silahlı müqavimət göstərdiyindən məhv edilib.

Bu barədə Sputnik Azərbaycan-a hüquq-mühafizə orqanlarından məlumat daxil olub.

Radikal dini cərəyanlara meyilli Muraz Rəhimov 2012-ci ildə Bakı şəhərində keçirilmiş “Evrovision” mahnı müsabiqəsi öncəsində paytaxtda partlayış törətmək niyyətində olub. Həmin dövrdə onun yaşadığı mənzildən qumbara aşkar olunduğuna görə məhkum edilib.

Rəhimov Muraz Çapay oğlu
© Photo : DİN-nin mətbuat xidməti
Rəhimov Muraz Çapay oğlu

O, cəzaçəkmə müəssisəsində olarkən qadağan olunmuş əşya saxladığına görə yenidən cinayət məsuliyyətinə cəlb edilərək məhkum olunub.

Muraz Rəhimov cəzaçəkmə müəssisəsində olarkən “Müsəlman Birliyi Hərəkatı”na qoşularaq daha aqressiv mövqe göstərməyə başlayıb, 10 iyulda Gəncə şəhərində törədilmiş iğtişaşlarda iştirak etdikdən sonra həbs olunmamaq üçün paytaxta gəlib, müxtəlif ünvanlarda kirayədə yaşayaraq gizlənib.

Müəyyən edilib ki, Muraz Rəhimov 2018-ci il Aşura mərasimi dövründə Gəncə şəhərinin imamını və polis əməkdaşlarını öldürməyi planlaşdırıb.

Əlaqədar

Gəncə hadisələrindən yeni xəbər var
Gəncə hadisələrinin aktiv iştirakçısı ələ keçdi
Gəncədə baş verdiyi iddia olunan şok video-görüntü barədə rəsmi açıqlama verildi
Gəncə hadisələri barədə yeni xəbər var
Baş prokuror Gəncə hadisələri ilə bağlı mühüm mesaj verdi
Teqlər:
Gəncə hadisələri, qətl, Sumqayıt, hüquq-mühafizə orqanları, terror

Əsas mövzular