01:14 03 İyun 2020
Canlı yayım
  • USD1.7000
  • RUB0.0274
  • EUR1.9035
HADİSƏ
Qısa URL
223 0 0

Xəzər dənizinin sahil zolağında reyd keçirilib

BAKI, 17 iyul — Sputnik. Ekologiya və Təbii Sərvətlər Nazirliyinin (ETSN) Ətraf Mühitin Mühafizəsi Departamentinin və Daxili İşlər Nazirliyinin (DİN) Baş İctimai Təhlükəsizlik İdarəsinin əməkdaşları tərəfindən Xəzər dənizinin sahil zolağında və çimərliklərdə məişət tullantılarının atılması, qalaqlanması, çirkab suların dənizə axıdılması hallarının qarşısının alınması məqsədilə birgə reyd keçirilib.

ETSN-in mətbuat xidmətindən Sputnik Azərbaycan-a verilən məlumata görə, reyd zamanı Xaçmaz rayonu Müqtədir-Nabran zonasında fəaliyyət göstərən istirahət mərkəzlərində, ictimai-iaşə obyektlərində formalaşan məişət tullantılarının və çirkab suların qanunvericiliyə uyğun qaydada idarə olunmadığı müəyyən edilib.

"Bulaq", "Üç qardaş", "Green ville", "Panorama", "Əlincə", "Raduqa", "Çıraq qala" və "Venesiya" istirahət mərkəzlərində əmələ gələn məişət tullantılarının ərazidə qalaqlanması, "Təbib", "Sunset", "Elay", "Jalə" istirahət mərkəzlərində və "Panorama" restoranında formalaşan məişət-çirkab suların təmizlənmədən birbaşa Xəzər dənizinə axıdılması faktları aşkar olunub.

Faktlarla bağlı qanun pozucuları barəsində protokol tərtib olunub və onlar İnzibati Xətalar Məcəlləsinə əsasən ümumilikdə 9400 manat məbləğində cərimə ediliblər. Nöqsanların aradan qaldırılması məqsədilə obyekt sahiblərinə icrası məcburi olan müddətli "məcburi göstəriş"lər verilib.

Reydlər davam etdirilir.

Əlaqədar

İstirahət günləri səyahətə çıxanlar bu xəbəri mütləq oxusun
Məşhur istirahət bölgəsində kütləvi zəhərlənmə: 100-ə yaxın insan xəstəxanalıq olub
İtaliyaya istirahətə getdi, köləyə çevrildi
Teqlər:
istirahət mərkəzi, ETSN, DİN, Ekologiya və Təbii Sərvətlər Nazirliyi, cərimə

Əsas mövzular