Şahpəri Abbasova, Sputnik Azərbaycan
BAKI, 23 fevral — Sputnik. Dünən axşam saatlarında Zaqatala rayonun Muğanlı kəndində yanğın hadisəsi baş verib.
Kənd sakini Musa Hasilova məxsus ümumi sahəsi 80 m2 olan, birmərtəbəli 3 otaqlı evdə yanğın olub. Nəticədə evin 1 otağının tavanı 15 m2 sahədə yanıb. Evin qalan hissəsi yanğından mühafizə olunub. Yanğın, Dövlət Yanğından Mühafizə Xidmətinin yanğınsöndürmə bölmələri tərəfindən söndürülüb. Hadisə nəticəsində xəsarət alan olmasa da, evə ciddi ziyan dəyib. Məlumata görə, yanğın odun sobasından baş verib.
Faktla bağlı araşdırma aparılır.
