Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Daha bir məmur oğlu ilə bağlı şok xəbər üzə çıxdı

© Photo : REPORTBakıda yük maşını aşdı
Bakıda yük maşını aşdı - Sputnik Azərbaycan
Abunə olmaq
Yük avtomobilində ölən şəxs icra başçısının müavininin oğlu imiş...

BAKI, 12 oktyabr — Sputnik. Bu günlərdə Bakının Yasamal rayonunda, Tbilisi prospektində baş vermiş ağır yol-nəqliyyat hadisəsi ilə bağlı təfərrüatlar üzə çıxıb. Ölkə.Az-ın əldə etdiyi məlumata görə, nəticəsində faciəvi şəkildə həlak olan sürücü, 1982-ci il təvəllüdlü, İmişli rayon sakini Haqverdiyev Xalid Əlirza oğlu uzun illərdən bəri narkotik vasitələrin alüdəçisi olub. Hətta o, idarə etdiyi avtomobildə külli miqdarda narkotik vasitə aşkarlanması səbəbindən bir neçə dəfə həbs edilib.

"FHN-in sabiq əməkdaşı olan Xalid Haqverdiyev hadisədən əvvəl də kefli olub. Hadisədən bir neçə saat əvvəl mərhumun atası Əlirza Haqverdiyev oğluna zəng edərək, onlara məxsus olan "Howo" markalı yük avtomobilinin Bakıda qaldığını və onu təcili rayona gətirmək lazım olduğunu söyləyib. Xalid Haqverdiyev isə kefli halda yük maşınının sükanı arxasına keçərək, onu idarə edib. O, yük avtomobilini sürətlə idarə etdiyi üçün idarəetməni itirib. Bu zaman Xalid Haqverdiyev özünü avtomaşından aşağı atıb, xilas olmaq istəyərkən, "Howo" avtomobilinin təkərləri altına düşüb" — deyə məlumatda bildirilir.

Qeyd olunur ki, mərhumun atası Əlirza Haqverdiyev hazırda İmişli rayon İcra Hakimiyyəti başçısının müavini, rayon Fövqəladə Hallar Komissiyasının sədr müavinidir. Eyni zamanda, Əlirza Haqverdiyev biznes fəaliyyəti ilə də məşğul olur.

Xəbər lenti
0