15:16 14 May 2021
Canlı yayım
  • USD1.7000
  • EUR2.0681
  • RUB0.0230
SƏHİYYƏ
Qısa URL
25 0 0

Qadınlar və kişiləri daha çox narahat edən xəstəliklərdən biri də saç tökülməsidir. Maraqlıdır, saç tökülməsinin səbəbləri nələrdir?

Nigar İsgəndərova, Sputnik Azərbaycan

BAKI, 9 aprel — Sputnik. Qadınlar və kişiləri daha çox narahat edən xəstəliklərdən biri də saç tökülməsidir. Maraqlıdır, saç tökülməsinin səbəbləri nələrdir?

Dermatokosmetoloq, trixoloq Bəxtiyar Paşayev Sputnik Azərbaycan-a açıqlamasında bu haqda danışıb: "Saç tökülməsinin səbəbləri müxtəlif olduğundan onun qarşısını almaq üçün konkret müalicə üsulları yoxdur. Xəstə ətraflı müayinə olunmalı və saç tökülməsinin səbəbləri araşdırılmalıdır. Bu səbəbləri aradan qaldıraraq müalicəyə başlamaq mümkündür. Yəni, təkcə maska və şampunlarla bu problemi həll etmək mümkün deyil".

Bəxtiyar Paşayev deyir ki, saç tökülməsində stress faktoru da qaçılmazdır. Buna görə stressdən uzaq olmaq, normal həyat tərzi yaşamaq, normal, düzgün və balanslı şəkildə qidalanmaq, sulfatsız şampunlardan istifadə etmək məsləhətdir. Bir çox hallarda qan azlığı, qalxanabənzər vəz problemləri, ginekoloji problemlər, mikroelementlərin, vitaminlərin çatışmazlığı da saç tökülməsinə səbəb olur. Bundan başqa, əməliyyatlar, travmalar da saç tökülməsinə səbəb olur. COVID-19 keçirən şəxslərdə də 6 ay ərzində saç tökülməsi müşahidə oluna bilər.

Həkim bildirir ki, vitamin D çatışmazlığı kalsiumun əmilməsini pisləşdirdiyi üçün saç tökülməsinə səbəb olur: "Lakin təəəssüflər olsun ki, problemin kökündə genetik faktor dayanırsa, saç tökülməsinin, keçəlləşmənin qarşısını almaq mümkünsüzdür. Kimisində 16, kimisində 20, kimisində də 50 yaşından bu probem müşahidə oluna bilər. Biz sadəcə olaraq genetik faktorla əlaqəli olan saç tökülməsini gecikdirə bilərik".

“Fındıq-qoz-şabalıd” adlı beynəlxalq festival
© Sputnik / Shahperi Abbasova

Mütəxəssis qeyd edir ki, kişilərdə saç tökülməsinin əsas səbəblərindən biri genetik və androgenetik faktorlardır: "Bütün dünyada belədir ki, keçəlləşməyə meyilli olan kişilərin 95 faizində androgenetik faktorlar aşkarlanır. Qadınlarda isə bu faktor 50-50-dir. Kişilərdə isə faizlərin yüksək olması testosteron hormonu ilə əlaqədardır".

B.Paşayev saç tökülməsinin qarşısının alınması üçün şablon müalicənin tərəfdarı olmadığını bildirib və gərəksiz yerə maska qoyulmasının məsləhətli olmadığını deyib.

Saç əkilməsinə gəldikdə isə həkim deyir ki, 30 yaşdan sonra saç əkilməsi məsləhət görülür: "Ənsə nahiyəsindən saçlar götürülərək saç tökülən hissəyə əkilir. Həmin nahiyədəki tüklər testosterona həssas olmur".

 O bildirib ki, saç tökülməsində ən çox genetik xəstəliklər rol oynayır.

Əsas mövzular