19:07 09 İyul 2020
Canlı yayım
  • USD1.7000
  • RUB0.0274
  • EUR1.9035
SƏHİYYƏ
Qısa URL
Azərbaycanda koronavirus: son xəbərlər (197)
38 0 0

"7 minə qədər çarpayı hazırlanıb, ancaq bu gün 5 minə qədər xəstə var, virusa yoluxma sürətlə baş verir"

BAKI, 18 iyun — Sputnik. “Sərt karantin rejiminə bizi vadar edən epidemioloji vəziyyətdir”.

Sputnik Azərbaycan bildirir ki, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında TƏBİB İdarə Heyətinin sədri Ramin Bayramlı deyib.

R.Bayramlı deyib ki, dünya ölkələrində koronavirusa yoluxma artır: “Azərbaycanda da vəziyyət ürəkaçan deyil. Bizim A, B və C variantlarımız var. Son iki həftədə tətbiq olunan məhdudiyətlərin hansı nəticə verməsinə gəlincə, bu addımlar da xarici ölkələrin təcrübəsinə əsasən atılmışdı. Bu, bizə uzunmüddətli məhdudiyyətlərin tətbiqinə vaxt qazanmağa imkan verdi”.

TƏBİB İdarə Heyətinin sədri qeyd edib ki, məhdudiyyətlər aprel ayında tətbiq olunan məhdudiyyətlərə bənzəyir:

“Aprel ayında səhiyyə strukturları xəstəliklə mübarizəyə tam hazır deyildi. Düzdür, yetərincə çarpayı sayı vardı. Ancaq xəstəliyin nə dərəcə artması, əlavə çarpayı sayına ehtiyac olması, laboratoriya, avadanlıq, xəstəxanaların digər təminatları həyata keçirildi. Xəstələrin 15 faizi adətən, reanimasiya üçün nəzərdə tutulur”.

R.Bayramlı nəzərə çatdırıb ki, dünən xəstəxanalara baş çəkmək imkanı olub: “Xəstəxanaların oksigen sistemləri, generatorlar bu qədər xəstəyə hesablanmamışdı. Xəstəxanaların bir qismində generatorlar deyil, oksigen balonları istifadə olunurdu. Bununla əlaqədar generatorlar alınıb. Modul tipli xəstəxanalar yaradılıb, 7 minə qədər çarpayı hazırlanıb, ancaq bu gün 5 minə qədər xəstə var, virusa yoluxma sürətlə baş verir. Yeni yoluxanlarla sağalanlar arasında fərq artır, tibb müəssisələrinin üzərinə böyük yük düşür”.

Mövzu:
Azərbaycanda koronavirus: son xəbərlər (197)

Əlaqədar

Azərbaycanda daha 338 nəfər COVID-19-a yoluxub, 6 nəfər dünyasını dəyişib
Azərbaycanda bir nazirliyin 25 əməkdaşı koronavirusa yoluxdu
Cibdə xəbərçi "laboratoriya": koronavirusdan qorunmaqda telefonunuz kömək olacaq
ÜST: "Azərbaycanda koronavirusa yoluxma halları artır"
Azərbaycanda daha bir telekanalda koronavirusa yoluxma

Əsas mövzular