10:48 29 İyul 2021
Canlı yayım
  • USD1.7000
  • EUR2.0154
  • RUB0.0231
Tarixdə Bu Gün
Qısa URL
3784 0 0

Azərbaycanda sevgililər hər il iyunun 30-da İlham və Fərizə Allahverdiyevlərin toy gününü qeyd edirlər.

BAKI, 30 iyun — Sputnik. Azərbaycanlıların hər il 30 iyun tarixində qeyd etdikləri öz Sevgililər Günü var. Tarix təsadüfən seçilməyib -  həmin gün 1990-cı ildə "Qara Yanvar"ın qurbanı olan İlham və Farizə Allahverdiyevlərin toyu olub. Onların faciəvi sevgi hekayəsi azərbaycanlıların qəlbini sarsıdıb.

Sevgililər Günündə Sputnik Azərbaycan İlham və Fərizənin görüş, toy və ölüm tarixini yada salır.

Tanışlıq

İlham Allahverdiyev Ağdamda anadan olub, məktəbi bitirdikdən sonra orduda xidmət edib. Sonra indi adını daşıyan Bakı gəmiqayırma zavodunda işə başlayıb.

Valideynlərinin təkidindən sonra İlham ailə qurmağa qərar verib. Seçim çox idi - valideynləri ona eyni anda bir neçə namizəd təklif etdilər. İlham onların arasından Fərizəni seçdi. İlham çoxdan onunla sevgili olduğundan ailənin seçiminə qarşı olmadığını eşitdiyinə görə sevindi.

İlham və Farizə eyni məktəbdə oxuyublar, bir binada yaşayırdılar. Fərizənin də ona qarşı hissləri var idi. 1988-ci ildə Novruz bayramı ərəfəsində gənclər nişanlandılar. İlhamın o zaman 27, Fərizənin isə 19 yaşı var idi.

Ən yaxşı və ən faciəli gün

30 iyun 1989-cu ildə İlham və Fərizə evləndilər. Xoşbəxt idilər. Həyatlarında hər şey yaxşılaşırdı. Toydan bir il sonra onlara mənzil hədiyyə olundu. Ancaq orada yalnız bir gün yaşadılar.

Həmin il Bakıda daim mitinqlər keçirilirdi. İlham onların fəal iştirakçısı idi.

20 yanvar 1990-cı ildə, Bakıdakı fövqəladə vəziyyəti öyrəndikdən sonra İlham Fərizəni anasının evinə apardı və qardaşı Elxanla görüşdü, lakin sonra bir bəhanə ilə ondan ayrıldı.

İlham dostları ilə birlikdə tankların girdiyi tərəfə getməyə qərar verdi. Qardaşı bütün gecəni İlhamı axtarsa da tapa bilmədi.

İlham "Qara Yanvar"ın ilk şəhidlərindən biri oldu.

Əvvəlcə Xırdalan şəhər qəbiristanlığında dəfn edildi. Sonra faciə qurbanlarını Bakıdakı Şəhidlər Xiyabanında dəfn etmək qərarına gəldilər.

Ərinin ölümündən xəbər tutan Fərizə intihar etmək qərarına gəldi. Hamilə olmasına baxmayaraq onsuz yaşamaq istəmirdi. Qohumlar onu dayandırmaq üçün mümkün olan hər şeyi etməyə çalışdılar, ancaq bacarmadılar.

Fərizə Şəhidlər Xiyabanında, həyat yoldaşının yanında dəfn edildi.

2004-cü ildən bəri hər il 30 iyun Azərbaycanda Sevgililər Günü kimi qeyd olunur. Hər il sevgili cütlüklər xatirəsinə hörmət etmək üçün İlham və Fərizənin məzarını ziyarət edirlər.

Teqlər:
şəhidlər, 20 Yanvar, Azərbaycan, Sevgililər Günü

Əsas mövzular