13:55 16 Sentyabr 2021
Canlı yayım
  • USD1.7000
  • EUR2.0077
  • RUB0.0235
İQTİSADİYYAT
Qısa URL
22 0 0

Yarmarkalar ümumilikdə ölkənin 6 bölgəsində təşkil olunacaq Yarmarkalar ümumilikdə ölkənin 6 bölgəsində təşkil olunacaq.

BAKI, 1 sentyabr — Sputnik. Bu gündən Kənd Təsərrüfatı Nazirliyi yanında Aqrar Xidmətlər AgentliyiDövlət Toxum Fondunun təşkilatçılığı ilə Şamaxı şəhərində respublika toxum sərgi-satış yarmarkası öz işinə başlayıb.

Nazirlikdən Sputnik Azərbaycan-a bildiriblər ki, yarmarkada Aqrar Xidmətlər Agentliyinin müvafiq qurumları, Aqrar Kredit və İnkişaf Agentliyi, "Aqroservis" ASC, Azərbaycan Toxumçular Assosiasiyası, yerli toxum istehsalçıları, elmi-tədqiqat institutları, toxum istehsalı və satışı ilə məşğul olan şirkətlər, fermerlər iştirak edirlər.

Kənd Təsərrüfatı Nazirliyi yanında Aqrar Xidmətlər Agentliyinin sədri Mirzə Əliyev bildirib ki, ölkəmizdə qeyri-neft sektorunun inkişaf etdirilməsi ilə bağlı həyata keçirilən məqsədyönlü tədbirlər çərçivəsində digər sahələrlə yanaşı, kənd təsərrüfatının strateji əhəmiyyətli istehsal sahələrindən biri olan toxumçuluğun inkişaf etdirilməsi, məhsul istehsalçılarının keyfiyyətli toxuma olan tələbatının daxili istehsal hesabına təmin olunması prioritet vəzifələrdən biri kimi müəyyən edilib və bu istiqamətdə Aqrar Xidmətlər Agentliyi tərəfindən davamlı olaraq zəruri tədbirləri həyata keçirilir.

  • Bu gündən respublika toxum sərgi-satış yarmarkasına start verilib
    © The Food Safety Agency of the Republic of Azerbaijan
  • Bu gündən respublika toxum sərgi-satış yarmarkasına start verilib
    © The Food Safety Agency of the Republic of Azerbaijan
  • Bu gündən respublika toxum sərgi-satış yarmarkasına start verilib
    © The Food Safety Agency of the Republic of Azerbaijan
1 / 3
© The Food Safety Agency of the Republic of Azerbaijan
Bu gündən respublika toxum sərgi-satış yarmarkasına start verilib

Qeyd olunub ki, yarmarkanın keçirilməsində əsas məqsəd toxum ticarət şəbəkəsinin yaradılması, rəqabət mühitinin formalaşdırılması, istehsalçı ilə istehlakçı arasında birbaşa münasibətlərin qurulması, işgüzar və səmərəli görüşlərin keçirilməsi, toxumçuluqda yeni innovativ texnologiyaları tətbiq etməklə məhsuldarlığın artırılması, toxumçuluğun elmi əsaslarla inkişaf etdirilməsi, həmçinin fermerlərə sertifikatlı toxumun əlçatanlığının təmin olunmasıdır.

Sərgi - yarmarkası ilə tanışlıqdan sonra məhsullar və toxumla bağlı ətraflı müzakirələr aparılıb. Fermerlərə sertifikatlı toxumun əldə olunması, sortların regionların torpaq-iqlim xüsusiyyətlərinə uyğun düzgün seçilməsi, toxumların təmizlənməsi, kondisiyaya çatdırılması barədə məlumat verilib və informasiya materialları təqdim olunub.

Qeyd edək ki, yarmarkalar ümumilikdə ölkənin 6 bölgəsində təşkil olunacaq. Növbəti yarmarka sentyabrın 3-də Şəkidə, sentyabrın 6-da Agcabədidə, sentyabrın 8-də Saatlıda, sentyabrın 10-da Cəlilabadda, sentyabrın 13-də isə Xaçmazda keçiriləcək. Yarmarkaların müxtəlif regionlarda keçirilməsində əsas məqsəd toxum bazarının formalaşması, "seleksiyaçı-toxumçu-istehlakçı" zəncirlərinin real qarşılıqlı əlaqəsinin qurulması, işgüzar və səmərəli görüşlərin keçirilməsi, həmçinin fermerlər üçün sertifikatlı toxumların əlçatanlığının təmin olunmasıdır.

Həmçinin oxuyun:

Azərbaycanda toxum sərgi-satış yarmarkaları keçiriləcək - qrafik

Teqlər:
yarmarka

Əsas mövzular