22:58 04 İyul 2020
Canlı yayım
  • USD1.7000
  • RUB0.0274
  • EUR1.9035
AZƏRBAYCAN
Qısa URL
57 0 0

İlham Əliyev retro vaqonlarla tanış olub

BAKI, 6 noyabr — Sputnik. Metronun "İçərişəhər" stansiyasında Bakı Metropoliteninin 50 illik yubileyi ilə əlaqədar metropolitendə istismar edilmiş retro vaqonların bərpadan sonra təqdimatı olub.

  • Prezident İlham Əliyev Bakı metropolitenində olub
    Prezident İlham Əliyev Bakı metropolitenində olub
    © Official website of President of Azerbaijan Republic
  • Prezident İlham Əliyev Bakı metropolitenində olub
    Prezident İlham Əliyev Bakı metropolitenində olub
    © Official website of President of Azerbaijan Republic
  • Prezident İlham Əliyev Bakı metropolitenində olub
    Prezident İlham Əliyev Bakı metropolitenində olub
    © Official website of President of Azerbaijan Republic
  • Prezident İlham Əliyev Bakı metropolitenində olub
    Prezident İlham Əliyev Bakı metropolitenində olub
    © Official website of President of Azerbaijan Republic
  • Prezident İlham Əliyev Bakı metropolitenində olub
    Prezident İlham Əliyev Bakı metropolitenində olub
    © Official website of President of Azerbaijan Republic
  • Prezident İlham Əliyev Bakı metropolitenində olub
    Prezident İlham Əliyev Bakı metropolitenində olub
    © Official website of President of Azerbaijan Republic
1 / 6
© Official website of President of Azerbaijan Republic
Prezident İlham Əliyev Bakı metropolitenində olub

Sputnik Azərbaycan-ın dövlət başçısının rəsmi saytına istinadən məlumatəna görə, Azərbaycan Respublikasının Prezidenti İlham Əliyev retro vaqonlarla tanış olub.

Xatırladaq ki, 1967-ci il noyabrın 6-da Bakı Metropoliteninin "İçərişəhər" stansiyasından ilk qatar uzunluğu 10 kilometrdən bir qədər az olan xətt üzrə hərəkətə başlayıb. "Sahil", "28 May", "Gənclik" və "Nəriman Nərimanov" stansiyaları həmin xəttin üzərində yerləşirdi. Ulu öndər Heydər Əliyevin istər Sovet dövründə, istərsə də müstəqillik illərində Azərbaycana rəhbərlik etdiyi dövrlərdə iqtisadiyyatın digər sahələrində olduğu kimi, metro da sürətli inkişaf yolu keçib, istismara buraxılan stansiyaların sayı 14-ə, xətlərin ümumi uzunluğu isə 22 kilometrə çatdırılıb.

"Bakı Metropoliteni" Qapalı Səhmdar Cəmiyyətinin sədri Zaur Hüseynov dövlətimizin başçısına retro vaqonlar barədə məlumat verib.

Qeyd edək ki, Mıtişşi maşınqayırma zavodunda istehsal olunan ilk belə retro vaqonlar "A" tipli vaqonlar adlandırılırdı. Bu vaqonlar 1934-cü ilin sonunda hazırlanıb. Həmin vaqonlarda oturmaq üçün 52 və ayaq üstə dayanmaq üçün isə 120 yer var idi. Bu tipli vaqonlardan biri 1968-ci ildə yol ölçmək üçün Bakıya göndərilib.

Retro tipli digər vaqonlar "Q" tipli vaqonlar idi. Yeni mühərrikli vaqonlar Qorki xətti üçün nəzərdə tutulduğuna görə "Q" tipli adlandırılırdı. Bu vaqonların istismar müddəti 1983-cü ildə başa çatıb.

Təqdimatı olan "E" tipli digər vaqonların hazırlanmasına isə 1956-cı ildə başlanılıb. "E" tipli ilk iki sınaq vaqonu 1959-cu ilin sonlarında istehsal olunub. Bu tipli vaqonlar Sovet İttifaqı dövründə beş şəhərin — Moskva, Leninqrad, Kiyev, Bakı və Tbilisinin metropolitenlərinə göndərilirdi. Bakıya "E" tipli 47 ədəd vaqon çatdırılmışdı.

Sonra Prezident İlham Əliyev retro vaqonlardan ibarət qatarla "İçərişəhər" stansiyasından "Nəriman Nərimanov" stansiyasına gəlib. Retro vaqonlarla tanış olan Prezident İlham Əliyev 50 illik yubileyi münasibətilə Bakı Metropoliteninin kollektivini təbrik edib, yeni-yeni uğurlar arzulayıb.

Əlaqədar

İlham Əliyev: "Bu layihə böyük gəlir, iş yerləri deməkdir"
“Prezident İlham Əliyev bu məsələyə diqqət edəcək”
İlham Əliyev: “Azərbaycanın ərazi bütövlüyü bərpa edilməlidir”
Prezident İlham Əliyevdən mühüm Tehran bəyanatı
İlham Əliyev Həsən Ruhani ilə görüşüb
Teqlər:
Bakı Metropoliteni, vaqon, İlham Əliyev, Azərbaycan prezidenti

Əsas mövzular