18:06 12 İyul 2020
Canlı yayım
  • USD1.7000
  • RUB0.0274
  • EUR1.9035
AZƏRBAYCAN
Qısa URL
44 0 0

Prezident Ulu Öndərin məzarı önünə əklil qoyub, Azərbaycanın dövlət himni səslənib

BAKI, 12 dek — Sputnik. Müasir müstəqil Azərbaycan dövlətinin memarı və qurucusu, dünya şöhrətli siyasi xadim, xalqımızın ümummilli lideri Heydər Əliyevin vəfatından 13 il keçir. Azərbaycan Respublikasının prezidenti İlham Əliyev və ailə üzvləri Fəxri Xiyabana gələrək, xalqımızın ümummilli lideri Heydər Əliyevin məzarını ziyarət ediblər.

Milli Məclisin deputatları, nazirlər, komitələrin, şirkətlərin və idarələrin rəhbərləri, respublika ictimaiyyətinin nümayəndələri də Fəxri xiyabana gəlmişdilər. Prezident İlham Əliyev Ulu Öndərin məzarı önünə əklil qoydu. Azərbaycanın dövlət himni səsləndi.

Dövlətimizin başçısı İlham Əliyev və ailə üzvləri Ulu Öndərin ömür-gün yoldaşı, görkəmli oftalmoloq alim, akademik Zərifə xanım Əliyevanın da məzarı üzərinə gül dəstələri qoydular. Tanınmış dövlət xadimi Əziz Əliyevin və professor Tamerlan Əliyevin də xatirələri yad edildi, məzarları üstünə gül dəstələri düzüldü.

Ümummilli lider Heydər Əliyevin məzarının ziyarət edilməsi mərasimində Baş nazir Artur Rasizadə, Milli Məclisin sədri Oqtay Əsədov, Prezident Administrasiyasının rəhbəri Ramiz Mehdiyev və digər rəsmi şəxslər iştirak ediblər.

Əlaqədar

Rusiyada Heydər Əliyevlə bağlı lahiyəyə start verildi
Heydər Əliyev 47 il əvvəl
Prezidentin səlahiyyətləri Heydər Əliyevə keçdi
Mərhum prezident Heydər Əliyevin nəvəsi vəzifəyə təyin olundu
Heydər Əliyev Mərkəzinin memarı Zaha Hadid öldü
İlham Əliyev Heydər Əliyevin məzarını ziyarət edib
Teqlər:
ümummilli lider, məzar, ziyarət, Fəxri Xiyaban, Heydər Əliyev, İlham Əliyev, prezident

Əsas mövzular