06:34 22 Sentyabr 2019
Canlı yayım
  • USD1.7000
  • RUB0.0265
  • EUR1.8799
Azərbaycan və Türkiyə hərbiçiləri

Türkiyənin Azərbaycanda hərbi baza yaratması mümkündürmü?

© Photo : trend.az
AZƏRBAYCAN
Qısa URL
174 0 0

Üzeyir Cəfərov: "Ölkə qanunvericiliyinə, hərbi doktrinaya və Milli Təhlükəsizlik Konsepsiyasına əsasən, Azərbaycan ərazisində hər hansı başqa xarici dövlətin hərbi bazası, yaxud əsgəri qüvvəsi yerləşdirilə bilməz"

BAKI, 21 iyul — Sputnik. "Azərbaycan ərazisində heç bir ölkə hərbi baza yaratmır. Mövcud qanunvericilik buna imkan vermir".

Üzeyir Cəfərov-hərbi ekspert
ANN
Üzeyir Cəfərov-hərbi ekspert

Bunu Sputnik-ə açıqlamasında hərbi ekspert Üzeyir Cəfərov deyib. Türkiyə Silahlı Qüvvələrinin Azərbaycanda hərbi hissə yaratması ilə bağlı mətbuatda dolaşan xəbərlərə münasibət bildirən ekspert, yayılan məlumatı şayiə adlandırıb.

"Dünən axşam ölkə başçısının imzaladığı məlum fərmanla bağlı mediada çox böyük spekulyasiyalar yayılmaqdadır. Guya Azərbaycan ərazisində başqa bir ölkə hərbi baza yaradır, filan. Əslinə qalsa, heç bir hərbi baza yaradılmır. Belə bir şeyin olması haqda fikir söyləyənlər Azərbaycan qanunvericiliyindən bixəbər dostlarımızdır", — Ü. Cəfərov bildirib.

Onun sözlərinə görə, ölkə qanunvericiliyinə, hərbi doktrinaya və Milli Təhlükəsizlik Konsepsiyasına əsasən, Azərbaycan ərazisində hər hansı başqa xarici dövlətin hərbi bazası, yaxud əsgəri qüvvəsi yerləşdirilə bilməz: "Hələlik bu qanuna heç bir dəyişiklik edilməyib. Yəni hüquqi əsas olmadığı halda necə ola bilər ki, Türkiyə Silahlı Qüvvələrinin burda hərbi bazası yaradılsın? Sadəcə məlumatsızlıq, bir qədər də dezinformasiyanın nəticəsidir ki, dünən və bu gün bütün mətbuatda ancaq belə xəbərlər dolaşır".

"Yayılan xəbərlərə nəhayət ki, Azərbaycan müdafiə nazirinin müavini, Hərbi Hava Qüvvələri komandanı münasibət bildirib. Həqiqətən də Tağıyev qəsəbəsindəki aerodromdan bir terminal türk qardaşlarımız üçün ayrılıb. Ona görə ki, Azərbaycan hərbçilərini beynəlxalq sülhyaratma missiyasına daşıyan "Türk ulduzları" hava qüvvələrinə məxsus təyyarələr həmin qəsəbəyə gəlir, orada uçuş və eniş edir", — mütəxəssis qeyd edib.

"O cümlədən Azərbaycan-Türkiyə birgə hərbi təlimləri zamanı ölkəmizə gələn F-16 və digər təyyarələr öz ləvazimatlarını həmin aerodroma gətirir. Onların saxlanması, qorunması sırf Türkiyə Silahlı Qüvvələri tərəfindən həmin aerodromdakı terminalda həyata keçiriləcək. Xüsusi terminal binasının ayrılması ilə birlikdə Türkiyə Silahlı Qüvvələri bütün məsələləri özləri rahat şəkildə tənzimləyə biləcəklər", — Ü. Cəfərov vurğulayıb.

O, qeyd edib ki, onsuz da Türkiyə Silahlı Qüvvələri Azərbaycan ordusu yaranan gündən burada təmsil olunur: "Bu, heç bir hərbi və dövlət sirri deyil. Qardaş ölkənin məhdud sayda zabit və əsgər personalı burada təlimatçı qismində 20 ildən artıqdır ki, təmsil olunur".

Qeyd edək ki, Azərbaycan Respublikası Prezidenti Azərbaycan Respublikası Hökuməti ilə Türkiyə Respublikası Hökuməti arasında "Qızıl Şərq" hərbi şəhərciyində yerləşən bina və tikililərin, Hacı Zeynalabdin qəsəbəsindəki aerodromda yerləşən bir terminal binasının Türkiyə Silahlı Qüvvələri şəxsi heyətinin istifadəsi üçün ayrılması haqqında Protokolun təsdiq edilməsi barədə Fərman imzalayıb. Fərmanda deyilir:

"Azərbaycan Respublikası Konstitusiyasının 109-cu maddəsinin 17-ci bəndini rəhbər tutaraq qərara alıram:
1. Azərbaycan Respublikası Hökuməti ilə Türkiyə Respublikası Hökuməti arasında "Qızıl Şərq" hərbi şəhərciyində yerləşən bina və tikililərin, Hacı Zeynalabdin qəsəbəsindəki aerodromda yerləşən bir terminal binasının Türkiyə Silahlı Qüvvələri şəxsi heyətinin istifadəsi üçün ayrılması haqqında 2016-cı il iyunun 3-də Bakı şəhərində imzalanmış Protokol təsdiq edilsin.
2. Azərbaycan Respublikasının Müdafiə Nazirliyi bu Fərmanın 1-ci hissəsində göstərilən Protokolun müddəalarının həyata keçirilməsini təmin etsin.
3. Azərbaycan Respublikasının Xarici İşlər Nazirliyi Protokolun qüvvəyə minməsi üçün zəruri olan dövlətdaxili prosedurların yerinə yetirildiyi barədə Türkiyə Respublikası Hökumətinə bildiriş göndərsin".

Əlaqədar

Türkiyə Silahlı Qüvvələri açıqlama yaydı
Türkiyə Silahlı Qüvvələrinin 2-ci ordusunun komandanı həbs edilib
Silahlı Qüvvələrimizin mövqeləri atəşə tutulub
Müdafiə Nazirliyi: "Silahlı Qüvvələrimiz 2 min hektardan artıq ərazini azad edib"
Azərbaycan Silahlı Qüvvələri düşmənin hərbi obyektlərinə zərbələr endirib

Əsas mövzular