11:25 19 Noyabr 2019
Canlı yayım
  • USD1.7000
  • RUB0.0266
  • EUR1.8828
İlhamə Quliyeva

Azərbaycanın xalq artisti İlhamə Quliyeva vəfat edib

© Photo: REPORT
AZƏRBAYCAN
Qısa URL
24296288

İlhamə Quliyeva son vaxtlar müxtəlif xəstəliklərdən əziyyət çəkirdi

BAKI, 25 fev-Sputnik. Azərbaycanın xalq artisti İlhamə Quliyeva bu saatlarda vəfat edib.

Bu barədə məlumatı Sputnik-in hadisə yerində olan müxbiri də təsdiqləyib.

Səhiyyə Nazirliyinin Təcili Tibbi Yardım Stansiyasından Sputnik-ə bildiriblər ki, onlara bu barədə çağırış 2 saat əvvəl daxil olub və onun vəfatı təsdiqlənib. Yaxın dəqiqələrdə xalq artistinin ölümünün səbəbləri açıqlanacaq.

Sputnik- əməkdaşının hadisə yerindən verdiyi məlumata görə, xalq artistinin yaxınları onun İ.Qutqaşınlı küçəsindəki evinə axışmağa başlayıb.

Onun evi hüquq-mühafizə orqanları tərəfindən əhatəyə alınıb, heç kəs içəri buraxılmır. İçəridə ancaq qohumları, Səhiyyə Nazirliyinin nümayəndələri və ailə dostu müğənni Əli Mirəliyev var.  

Qeyd edək ki, İ.Quliyeva son vaxtlar müxtəlif xəstəliklərdən əziyyət çəkirdi. Ən son olaraq adı köməkçisinə qarşı qeyri-qanuni hərəkətlərə yol verməkdə və məhkəmə qalmaqallarında hallanırdı. O, özü isə səhhətində yaranmış problemlərə görə keçmiş köməkçisi Mehriban Hüseynovanı günahlandırırdı.

İlhamə Quliyeva 17 avqust 1943-cü ildə Bakı şəhərində anadan olub.

1964-cü ildə Azərbaycan Dövlət Universitetini bitirib. 1965-1970-ci illərdə Azərbaycan Dövlət Teleradio Verilişləri Şirkəti Estrada Orkestrinin, 1970-1980-ci illərdə Azərbaycan Dövlət Filarmoniyasının solisti olub. 1980-ci ildən Azərbaycan Dövlət Qastrol-Konsert Birliyinin ("Azkonsert") solisti olub. Repertuarına Azərbaycan və xarici ölkə bəstəkarlarının əsərləri daxildir. Bir sıra xarici ölkələrdə (İngiltərə, İspaniya, Danimarka, Türkiyə, Almaniya və s.) qastrolda olub.

Müğənni Tükəzban İsmayılovanın qızıdır.

Bir oğul övladı var.

Əlaqədar

Həkim: İlhamə Quliyevanın səhhətində ciddi problem yoxdur
İlhamə Quliyeva: Məni öldürmək istəyirlər
İlhamə Quliyeva: Mən birinci deyiləm, bir rəqəmi məndən sonra gəlir
İlhamə Quliyeva da məşəl daşıyacaq
Teqlər:
İlhamə Quliyeva

Əsas mövzular