BAKI, 25 mart - Sputnik. Azərbaycan millisi Bakıda təşkil olunan “FIFA series - Edition 2024” layihəsində növbəti oyununu keçirib. Yığmamız Bolqarıstan seçməsi ilə üz-üzə gəlib.
Tofiq Bəhramov adına Respublika stadionundakı qarşılaşma heç-heçə başa çatıb - 1:1.
Oyunun 59-cu dəqiqəsində qonaqların heyətində Filip Krastev hesabı açıb, 87-ci dəqiqədə isə Musa Qurbanlı tarazlığı bərpa edib.
Qeyd edək ki, Azərbaycan millisi ilk matçında Monqolustan yığmasına, Bolqarıstan komandası isə Tanzaniya seçməsinə 1:0 hesabı ilə qalib gəlib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.