BAKI, 3 mart - Sputnik. Azərbaycan təmsilçisi Murad Allahverdiyev Ümumdünya gənclər festivalı çərçivəsində təşkil edilən boks döyüşündə Rusiya idmançısı Beşto Şavlayevə qalıb gəlib.
Ümumdünya Gənclər Festivalı 2024-cü il martın 1-dən martın 7-dək Sirius federal ərazisində keçirilir. Onda iştirak etmək üçün 190 ölkədən 300 mindən çox insan müraciət edib.
Festivalda müxtəlif yarışlar, müzakirələr, sərgi və digər tədbirlər təşkil olunur.
Festivalın regional proqramı martın 10-dan 17-dək baş tutacaq, onun iştirakçıları Rusiyanın 30 şəhərinə səfər edəcəklər.
Azərbaycandan beynəlxalq tədbirdə 150 nəfərlik heyət iştirak edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.