BAKI, 3 oktyabr — Sputnik. Moskva prezident Vladimir Putinin Ermənistana səfərdən imtina etməsini istəməzdi.
Bu sözləri “Ermənistanın Roma Statutuna qoşulması Rusiya Prezidenti Vladimir Putinin İrəvana səfərlərdən imtina etməsi deməkdirmi” sualına cavabında Rusiyanın dövlət başçısının mətbuat katibi Dmitri Peskov deyib.
“Əlbəttə, biz istəməzdik ki, prezident Ermənistana səfərdən imtina etsin. Ermənistan bizim müttəfiqimizdir, dost dövlətdir, tərəfdaşdır və əlbəttə ki, bizim qardaş erməni xalqı ilə çoxlu ümumi cəhətlərimiz var və onun bizi həmişə birləşdirəcəyinə şübhəmiz yoxdur” – Peskov əlavə edib.
Peskov qeyd edib ki, KTMT mexanizmləri və Ermənistan-Rusiya tərəfdaşlığı Ermənistanın təhlükəsizliyinin təmin edilməsində tamamilə zəruridir.
Bundan əvvəl Ermənistan parlamenti iclasında Beynəlxalq Cinayət Məcəlləsinin Roma Statutunu ratifikasiya edib. Sənəd parlament tərəfindən ratifikasiya edildikdən sonra ölkə prezidenti tərəfindən imzalanmalıdır və dövlətdaxili prosedurlar başa çatdıqdan 60 gün sonra qüvvəyə minəcək.
Kreml bəyan edib ki, Rusiya Ermənistanın baş naziri Nikol Paşinyanın BCM-in Roma Statutunun qəbul edilməsinin zəruriliyini ölkəsinin təhlükəsizliyi ilə əsaslandırması ilə razılaşmır.
"Düşünürəm ki, Ermənistanda əksəriyyət anlayır ki, KTMT mexanizmləri və Ermənistan-Rusiya tərəfdaşlığı hazırda tamamilə əvəzolunmazdır. Rəsmi Moskva İrəvanın ikitərəfli mexanizmlər və KTMT-ni tənqid etməsi ilə razılaşmır. Ermənistanın bu vasitələrdən yaxşı heç nəyi yoxdur", - Peskov jurnalistlərə bildirib.
O qeyd edib ki, ermənilərin də əksəriyyəti bunu dərk edir.