BAKI, 3 iyun - Sputnik. Beynəlxalq Olimpiya Komitəsinin prezidenti Tomas Bax Azərbaycana gəlib.
70 yaşlı almaniyalı funksionerin rəhbərlik etdiyi nümayəndə heyəti artıq Bakıdadır.
BOK rəhbərliyi Bakıda keçirilən taekvonda üzrə dünya çempionatını izləyəcək. Qonaqlar mundialın altıncı gününün bəzi döyüşlərinə “Kristal Zal”da baxacaq.
Bax səfər çərçivəsində bir sıra görüşlərdə iştirak edəcək. Onun Milli Olimpiya Komitəsi və Azərbaycan Teekvondo Federasiyasının rəhbərliyi ilə görüşləri nəzərdə tutulub.
Qeyd edək ki, Bakıda taekvondo üzrə dünya çempionatına mayın 29-da start verilib. 29 may - 4 iyun tarixlərində keçirilən sayca 26-cı dünya çempionatında 949 taekvondoçu 16 çəki dərəcəsində çıxış edir.
Bakıdakı dünya çempionatı Dünya Taekvondosunun 50 illik yubileyinə təsadüf edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.