BAKI, 13 may — Sputnik. Bakı, Sumqayıt və Abşeronda əhali sıxlığına görə kifayət qədər bağça yoxdur. Bunu Elm və TəhsilNazirliyinin Ümumi və məktəbəqədərtəhsilin təşkili və idarə olunmasışöbəsinin müdiri Elnur Əliyev media nümayəndələri üçün keçirilən seminarda deyib.
O bildirib ki, bubölgələrdə elə bağçalar var ki, bütün yerlər doludur, lakin 300-400 valideyn növbə gözləyir
"Biz bu problemin aradan qaldırılmasına çalışırıq. 2023-cü ilin I rübü ərzində ölkədəki bağçalarda 3 monitorinq aparılıb, monitorinq 1000-ə yaxın bağçanı əhatə edib. Bəzən müşahidə edilib ki, bağçalarda yerlər tutulub, lakin uşaqlar gəlməyib".
Sputnik Azərbaycan Bakıda hansı ünvanlarda yeni bağçaların tikildiyini araşdırıb. Bakı Şəhəri üzrə Təhsil İdarəsindən Sputnik Azərbaycan-ın sorğusuna cavabda bildirilib ki, Azərbaycan Respublikası Prezidentinin diqqət və qayğısı nəticəsində məktəbəqədər təhsil müəssisələrinin infrastrukturu əsaslı şəkildə müasirləşdirilir. Azərbaycan Respublikası Prezidentinin müvafiq sərəncamları və xüsusi qayğısı sayəsində məktəbəqədər təhsil müəssisələrinin təmir-tikinti işləri davamlı olaraq həyata keçirilir. Bu tədbirlər ümumilikdə, uşaqların təlim şəraitinin yaxşılaşdırılmasına xidmət edir.
"Qeyd edək ki, 2022-ci təqvim ilində BŞTİ-nin tabeliyində fəaliyyətgöstərən 4 məktəbəqədər təhsil müəssisəsində (257, 277, 215, "Çiçək") əsaslı təmir işləri aparılıb. Suraxanı rayonu, Hövsan qəsəbəsində 2 yeni məktəbəqədər təhsil müəssisəsinin binası tikilərək istifadəyə verilib", - deyə cavabda bildirilir.
İdarədən həmçinin qeyd edilib ki, cari ildə 4 məktəbəqədər təhsil müəssisəsində (101, 99, 116, A.Məmmədov adına məktəbəqədərtəhsil müəssisəsi) əsaslı təmir işlərin əbaşlanılıb:
"Onu da qeyd edək ki, "Azərbaycan Respublikasının 2022-2026-cı illərdə sosial-iqtisadi inkişaf Strategiyası"nda nəzərdə tutulmuş fəaliyyət istiqamətlərindən biri məktəbəqədər təhsilin əhatə dairəsinin genişləndirilməsi və keyfiyyətin yaxşılaşdırılmasıdır. Bu baxımdan ehtiyaclar əsasında məktəbəqədər təhsil müəssisələrində peşəkar inkişafla bağlı təlimlər keçirilib".
Məlumat üçün bildirək ki, hazırda Bakı Şəhəri üzrə Təhsil İdarəsinin tabeliyində 336 məktəbəqədər təhsil müəssisəsi fəaliyyət göstəririr.
Xatırladaq ki, Azərbaycan Prezidenti İlham Əliyev dövlət məktəbəqədər təhsil sistemində idarəetmənin təkmilləşdirilməsi haqqında Sərəncam imzalayıb. Sərəncamla yerli icrahakimiyyəti orqanlarının (Bakı şəhəri üzrə Bakı Şəhər İcra Hakimiyyətinin, Gəncə şəhəri üzrə Gəncə Şəhər İcra Hakimiyyətinin) tabeliyində olan dövlət məktəbəqədər təhsil müəssisələri (uşaq evləri istisna olmaqla) Təhsil Nazirliyinin tabeliyinə verilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.