BAKI, 21 mart — Sputnik. L'Equipe-nin məlumatına görə, Kilian Mbappe məşqçilər korpusu tərəfindən Fransa milli futbol komandasının yeni kapitanı seçilib.
Əvvəllər kapitan Qatarda keçirilən dünya çempionatından sonra milli komandadakı çıxışını başa vuran qapıçı Huqo Lloris idi.
Mbappenin 24 yaşı var, Fransa millisində 66 oyun keçirib və 36 qol vurub. 2018-ci ildə komandanın tərkibində Rusiyada keçirilən turnirdə dünya çempionu olub.
Martın 24-də Fransa millisi Avropa çempionatı - 2024-ün seçmə mərhələsinin ilk turu çərçivəsində Niderland yığmasını qəbul edəcək.