BAKI, 2 mart — Sputnik. Qətərin Doha şəhərində keçirilən idman gimnastikası üzrə Dünya Kubokunda Azərbaycan millisinin üzvü Nikita Simonov finala vəsiqə qazanıb.
Bu barədə Azərbaycan Gimnastika Federasiyası məlumat yayıb.
Bildirilib ki, 27 yaşlı idmançı halqalarla hərəkətlərin icrasında təsnifat mərhələsini 4-cü pillədə başa vurub. Bu, Simonovun finala adlaması üçün yetərli olub.
Qeyd edək ki, ötən il Bolqarıstanın Varna şəhərində kişi və qadın idman gimnastikası üzrə “Challenge” seriyasına aid dünya kuboku yarışında N.Simonov halqalarla çıxışına görə bütün rəqiblərini üstələyərək qızıl medal qazanıb.