RUSİYA

Rusiya vətəndaşların mübadiləsi ilə bağlı konkret addımlara hazırdır - XİN

Vaşinqton ABŞ-da həbs cəzası çəkən rusiyalı iş adamı Viktor Butu Rusiyada casusluq və narkotik qaçaqmalçılığına görə məhkum olunmuş Pol Uilan və Britni Qraynerlə dəyişməyi təklif edib.
Sputnik
BAKI, 14 avqust — Sputnik. Moskva vətəndaşların mübadiləsi ilə bağlı peşəkar işə hazırdır, lakin ABŞ konkret iş əvəzinə intriqa və spekulyasiyaya davam edərsə, o zaman amerikalılar Vaşinqtona sual ünvanlamalıdırlar, Rusiya Xarici İşlər Nazirliyinin sözçüsü Mariya Zaxarova bildirib.
"Rusiya tərəfdən bunun üçün hər şey hazırdır. Amma Amerika tərəfi bu dəhşətli siyasi intriqa və çəkişmələrdə davam etsə, o zaman qoy Amerika vətəndaşları öz qəhrəmanlarını tanısınlar", - Zaxarova bildirib.
"Bir daha vurğulamaq istəyirəm: Rusiya tərəfi bu məsələ ilə bağlı peşəkar söhbətə və konkret addımlara hazırdır. Amma bunu yalnız peşəkar insanlar etməlidir. Bu, mikrofonda görülməyən işdir", - o əlavə edib.
Bundan əvvəl Vaşinqton Moskvaya silah alverinə görə ABŞ-da həbs cəzası çəkən rusiyalı iş adamı Viktor Butu Rusiya Federasiyasında casusluq və narkotik qaçaqmalçılığına görə məhkum olunmuş Pol Uilan və Britni Qraynerlə dəyişməyi təklif edib.
DÜNYA XƏBƏRLƏRİ
ABŞ Blinkenlə Lavrov arasında təmasların mümkünlüyünü istisna etmir