BAKI, 5 iyun - Sputnik. Ukrayna limanlarından taxıl ixrac edilməzsə, Afrikada yeni müharibələr başlayacaq, dövlət çevrilişləri və Avropaya miqrant axını olacaq. TASS xəbər verir ki, o, bu fikri bazar günü Neapolda jurnalistlər qarşısında İtaliyanın xarici işlər naziri Luici Di Mayo səsləndirib.
"Ukrayna limanlarından dərhal taxıl ixrac etmək lazımdır. Əgər biz taxıl ixrac etməsək, Afrikada yeni müharibələr, yeni dövlət çevrilişləri, terrorun yeni təzahürləri və həmin ölkələrdən böyük miqrant axını olacaq. Biz isə buna imkan verə bilmərik”, - deyə Xarici İşlər Naziri bildirib.
XİN rəhbəri bir gün əvvəl artıq dünyada taxıl müharibəsi gedir fikrini səsləndirmişdi.
İyunun 8-də Romanın təşəbbüsü ilə Aralıq dənizi ölkələrinin nümayəndələrinin iştirakı ilə onlayn formatda ərzaq təhlükəsizliyi ilə bağlı iclas keçiriləcək.
“Rossiya-1” televiziyasına müsahibəsində Rusiya Prezidenti Vladimir Putin bildirib ki, Kiyev öz limanlarını minalardan təmizləyərsə, Moskva Ukrayna taxılını daşıyan gəmilərin maneəsiz keçidinə zəmanət verəcək və malların Rusiyanın nəzarətində olan Berdyansk və Mariupol limanları vasitəsilə ixracını təmin edə bilər.
Rusiya liderinin sözlərinə görə, Ukrayna quru yolu ilə də taxıl ixrac edə bilər və ən məntiqli marşrut Belarusdur, lakin Qərbin sanksiyaları buradan götürülməli olacaq.
Putin qlobal ərzaq bazarında problemlərin 2020-ci ilin fevralında başladığını da xatırladıb. O, Rusiyanın guya Ukrayna limanlarında taxılın qarşısını alması ilə bağlı iddiaları blef adlandırıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.