BAKI, 15 may - Sputnik. Ukraynanın Avroviziya-da qələbəsi "bu ölkənin başına gələnlərin mənzərəsini" tamamlayır. RİA Novosti xəbər verir ki, bunu Rusiya Xarici İşlər Nazirliyinin nümayəndəsi Mariya Zaxarova Telegram-da yazıb.
“Razılaşın, Ukraynanın Avroviziya-da qələbəsi olmasaydı, bu ölkənin başına gələnlərin mənzərəsi yarımçıq olardı. Milli geyimlər və musiqi alətləri, simli alətli iki küpəgirən qarı, breyk rəqsi və "Azovstal" haqqında hayqırtılar", - deyə o xatırladıb.
Nazirlik nümayəndəsinin sözlərinə görə, baş verənləri “Avropa ayaq üstə alqışlayır”.
Xatırladaq ki, ötən bazar günü gecə İtaliyanın Turin şəhərində Avroviziya Mahnı Müsabiqəsi keçirilib. Tamaşaçıların səsverməsinin və münsiflər heyətinin ümumi nəticələrinə görə, Kaluş Orkestri 631 xal toplayaraq qalib olub.
Ukraynalı musiqiçilər nəticələrin yekununun birinci mərhələsindən sonra dördüncü yerdən irəliləyərək tamaşaçıların səsləri ilə birinci yeri tutublar. Musiqi münsifləri isə öz növbəsində üstünlüyü britaniyalı ifaçı Sem Rayderə veriblər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.