BAKI, 10 may — Sputnik. Çərşənbə axşamı Ermənistan polisi Yerevanda keçirilən müxalifətin yürüşünün onlarla iştirakçısını saxlayıb. Bu barədə RİA Novosti-nin müxbiri xəbər verir.
Həbslər Yerevanın Qay küçəsindəki Meqamol binasından yürüşə başlayan müxalifət tərəfdarlarının yolayrıclarından birini bağlamasından sonra başlayıb. Onlarla ən fəal etirazçı sərt şəkildə saxlanılaraq məhbusların daşınması üçün olan nəqliyyat vasitəsinə yerləşdirilib. Bəzi yürüş iştirakçıları saxlanılanlarıları xilas etməyə çalışsalar da, polis onlara imkan verməyib.
Həbslərdən sonra yolayrıcları açılıb və yürüş davam edib.
Aprelin 25-dən etibarən Ermənistanın hər yerində müxalifət etiraz aksiyaları keçirir. Etirazçılar əmindirlər ki, hakimiyyətin siyasəti ölkə dövlətçiliyini itirməklə hədələyir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.