BAKI, 27 aprel — Sputnik. Avropa xristianlığının bütün liderləri Kiyevin millətçi təbliğatına və Qərbin rusofobiyasına aldanmayıblar. Bunu Rusiya Təhlükəsizlik Şurasının sədr müavini Dmitri Medvedev "Telegram" kanalında qeyd edib.
"Əlbəttə ki, Avropa xristianlığının bütün liderləri Kiyevin millətçi təbliğatına və kollektiv Qərbin rusofobiyasına aldanmadılar. Məsələn, Vatikanın prelatı, arxiyepiskop Karlo Mariya Viqano Kiyev rejimini Donbasa qarşı birbaşa qızışdırmaqda NATO-nun rolunu açıqlayıb", - deyə Medvedev bildirib.
Onun sözlərinə görə, Vatikan arxiyepiskopu Qərbin 2014-cü ildən etibarən Ukraynada neonasist birləşmələrinin dəstəkləməsini ifşa edib.
"ABŞ baptistlərinin lideri Franklin Qrem də eyni məzmunda çıxış edərək bildirib ki, mahiyyət etibarı ilə Ukraynanın denazifikasiyasının səbəblərini başa düşür. Mediada yayılan məlumatlara görə, bu günə kimi rəsmi açıqlama verməkdən qorxan bir çox keşiş və yepiskoplar da bu fikri bölüşürlər", - deyə Rusiya Federasiyası Təhlükəsizlik Şurasının sədr müavini əlavə edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.