BAKI, 28 mart — Sputnik. Azərbaycan və Misir arasında diplomatik əlaqələrin yaradılmasından 30 il ötür.
Sputnik Azərbaycan xəbər verir ki, Azərbaycan Xarici İşlər Nazirliyi bununla bağlı tviter səhifəsində paylaşım edib.
"Bu gün Azərbaycan və Misir arasında diplomatik münasibətlərin qurulmasının 30-cu ildönümüdür. Biz bu münasibətlə Misirin hökuməti və xalqına ən xoş arzularımızı çatdırırıq. Azərbaycan və Misir arasında əməkdaşlığının daha da inkişafını səbirsizliklə gözləyirik", - deyə nazirlikdən bildirilib.
Xatırladaq ki, Misir Ərəb Respublikasının Prezidenti Əbdülfəttah əs-Sisi Azərbaycana səfər edəcək.
Bu barədə Misirin Azərbaycandakı səfiri Adel İbrahim deyib.
Onun sözlərinə görə, COVID-19 pandemiyası səbəbindən səfər təxirə salınmışdı.
İndiyədək iki ölkə arasında 50-yə yaxın sənəd imzalanıb, 21 sənəd layihəsi isə müzakirə mərhələsindədir. Azərbaycanda ticarət, sənaye və xidmət sahələrində 14 Misir investisiyalı şirkət fəaliyyət göstərir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.