BAKI, 26 mart - Sputnik. Rusiyanın şəkər ixracına qadağası Azərbaycandakı qiymətlərə ciddi təsir etməyəcək. Bunu @SputnikAz-a müsahibəsində İqtisadçı Emin Qəribli qonşu ölkədəki tədbirərin Azərbaycan bazarına mümkün təsirini şərh edərkən deyib.
Onun fikrincə, Azərbaycanda bazarın bu seqmentində problem olmayacaq.
“Rusiyanın Azərbaycana ərzaq idxalında payı yetərincə böyükdür. Lakin şəkər bazarı geniş bazardır və xeyli sayda alternativ tədarük istiqamətləri mövcuddur”, - deyə Qəribli qeyd edib.
İqtisadçı ekspert - Emin Qəribli
© Photo : From the personal archive of Emin Garibli
Onun qənaətinə görə, bundan başqa, ölkənin daxili ərzaq ehtiyatları, o cümlədən şəkər ehtiyatı da yetərincədir.
İqtisadçının fikrincə dünyadakı son hadisələr Azərbaycanda ərzaq qıtlığına səbəb olmayacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.