BAKI, 11 fevral — Sputnik. Ötən ilin yanvar-iyul ayları ərzində Azərbaycanda nikaha daxil olan 55 465 nəfər vətəndaşdan götürülmüş qan nümunələrinin müayinəsi zamanı 1920 nəfərdə talassemiya daşıyıcılığı aşkar olunub. Bu barədə Talassemiya Mərkəzindən APA-nın sorğusuna cavab olaraq bildirilib.
Aparılmış tibbi müayinələr nəticəsində 23 cütlükdə hər ikisinin talassemiya daşıyıcısı olduğu müəyyən olunub.
QİÇS – Qazanılmış İmmun Çatışmazlığı Sindromu
© Photo : GETTY IMAGES
Bundan əlavə, ötən il nikaha daxil olan 104 961 nəfərdən götürülmüş qan nümunələrinin müayinəsi zamanı 1215 nəfərdə sifilis infeksiyası, 200 nəfərdə isə HİV (QİÇS) aşkarlanıb.
Mərkəzdən həmçinin bildirilib ki, Azərbaycanda qeydiyyatda olan talassemiya xəstələrinin sayı 5634 nəfərdir. Onlardan 2744 nəfəri 0-17 yaş aralığında, 2890 nəfəri isə 18 yaş və yuxarı şəxslərdir.
Xəstələrin 2435-i qadın, 3199-u isə kişidir.
Qeyd olunub ki, 2021-ci ildə 157 talassemiyası xəstəsi qeydiyyata alınıb. Onlardan 112 nəfəri 0-17 yaş qrupuna, 45 nəfəri isə 18 yaş və yuxarı yaş qrupuna aid şəxslərdir. Onlardan 74 nəfəri qadın, 83 nəfəri isə kişidir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.