BAKI, 30 yanvar - Sputnik. Rusiya və Belarusun birgə “İttifaq qətiyyəti” təlimləri bu ölkələrin daxili işidir. Sputnik Azərbaycan RİA Novosti-yə istinadən xəbər verir ki, bunu KTMT-nin baş katibi Stanislav Zas deyib.
Qeyd edək ki, Birlik Dövlətinin qüvvələrinin yoxlanılması iki mərhələdə baş verəcək. Birinci mərhələdə (fevralın 9-dək) Belarus ərazisində qoşun qruplaşmaları yenidən yerləşdiriləcək və yaradılacaq.
İkinci mərhələdə isə (fevralın 10-dan 20-dək) “İttifaq qətiyyəti-2022” birgə təlimləri keçiriləcə. Bu təlimlər çərçivəsində xarici təcavüzün qarşısının alınması və dəf edilməsi, habelə terrorçuluğa qarşı mübarizə və İttifaq Dövlətinin maraqlarının müdafiəsi tapşırıqları yerinə yetiriləcək.
"Belarus ərazisində indi başlayacaq təlimlər sırf müdafiə xarakteri daşıyır. Verilən hər hansı qiymətləndirməyə diqqət yetirməyə dəyərmi? Əlbəttə, bu, Belarus və Rusiyanın daxili işidir. bu təlimlər öz ərazilərində keçirilir”, - deyə Zas STV kanalında yayımlanan açıqlamasında bildirib.
Onun fikrincə, təlimlər çərçivəsində “səslənən ehtiyatlılıq və qorxular” nəzərə alınmalı, təlimlər çərçivəsində aşkarlıq əlavə edilməlidir.
"Bururun, baxın, bu bizim planımız, bu da iştirakçılar. Bu, inamı artıracaq və bəlkə də bəzi narahatlıqları aradan qaldıracaq", - deyə Zas əlavə edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Həmçinin oxuyun: