BAKI, 21 yanvar - Sputnik. Moskva Ermənistanla Azərbaycan arasında sərhədin delimitasiyası üzrə işə mümkün qədər tez başlamağa çağırır. Sputnik Azərbaycan Rusiya mətbuatına istinadən xəbər verir ki, bu barədə Rusiya xarici işlər naziri Sergey Lavrov mətbuat konfransında medianın suallarına cümə günü cavab verərkən deyib.
"Biz Azərbaycan və Ermənistan sərhədində, təəssüf ki, vaxtaşırı baş verən silah tətbiqi ilə insidentlərin, insan tələfatı olan vəziyyətin nizamlanması üçün ardıcıl səylər göstəririk. Azərbaycan-Ermənistan sərhədinin delimitasiyası üzrə ikitərəfli komissiya, onun ardınca isə biz bu prosesdə Bakı və İrəvana məşvərətçi yardım göstərməyə hazırıq”, - deyə nazirliyin məlumatında nazirin sözləri qeyd olunub.
Daha sonra qeyd olunur ki, Rusiya da məhbusların qaytarılması problemində fəal iştirak edir. Xatırladaq ki, 2020-ci il dekabrın 2-dən Rusiya sülhməramlılarının vasitəçiliyi ilə ümumilikdə 146 məhbus geri qaytarılıb: 127-si Ermənistan tərəfinə, 19-u isə Azərbaycan tərəfinə”, - deyə məlumatda bildirilir.
2021-ci il noyabrın 26-da Soçidə Rusiya, Azərbaycan prezidentləri və Ermənistanın baş naziri arasında atəşkəs bəyanatının imzalanmasının ildönümünə və Qarabağ zonasında bütün hərbi əməliyyatların dayandırılmasına dair üçtərəfli danışıqlar keçirilib.
Vladimir Putin, İlham Əliyev və Nikol Paşinyan Azərbaycan-Ermənistan sərhədində sabitliyin və təhlükəsizliyin səviyyəsini artırmaq üçün addımlar atmaq barədə razılığa gəliblər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Həmçinin oxuyun: